꧁꧐꧂

ꦮꦠꦏ꧀꧇꧐꧇

Watak 0

꧃ꦪꦠꦩꦁꦏꦾꦮꦠꦏ꧀ꦢꦱ꧀ꦩꦸꦁꦏꦱ꧀ꦱꦶ꧈ꦧꦺꦴꦩꦮꦽꦢꦶꦱꦸꦏꦼꦠ꧀ꦩꦠꦶꦲꦶꦏ꧉ꦱꦸꦤ꧀ꦚꦮꦽꦢꦶꦱꦸꦮꦸꦁꦉꦏꦺ꧉ꦒꦒꦤꦗꦂꦮꦣꦸꦮꦸꦂ꧉ꦢꦺꦧꦫꦏ꧀ꦏꦤ꧀‍ꦫꦶꦏꦤ꧀ꦤꦁꦮꦽꦢꦶ꧈ꦲꦶꦪꦺꦏꦹꦭꦩꦠ꧀ꦭꦩꦠ꧀‍꧈ꦲꦢꦺꦴꦃꦮꦸꦱ꧀ꦗꦂꦮꦺꦏꦸ꧉ꦲꦶꦁꦭꦔꦶꦠ꧀‍ꦮꦽꦢꦶꦔꦮꦶꦪꦠ꧀꧈ꦢꦺꦲꦤꦠꦤ꧀꧇ꦲꦺꦴꦫꦲꦤꦫꦶꦏꦁꦗꦂꦮꦶ꧉ꦮꦶꦤ꧀ꦢꦸ꧇ꦠꦸꦩ꧀ꦧꦸꦏ꧀ꦏꦶꦁꦮꦂꦱ꧉

JGST : ya ta maŋkỿa watak das muŋkasṣi, boma wṛědi sukět mati hika, sunña wṛědi suwuŋ ṛěké, gagana jaṙwa dhuwuṙ, dé barakkan, rikannâŋ wṛědi, hiyêkū lamat-lamat, hadoḥ wus jaṙwêku, hiŋ laṅit, wṛědi ṅawiyat, dé hanatan, hora hana rikaŋ jaṙwi, windu: tumbukkiŋ waṙsa.

EBBY : ya ta mangkya watak das mungkasi, boma wredi suket mati ika, sunya wredi suwung reké, gagana jarwa dhuwur, dé barakan rikanang wredi, hiyèku lamat-lamat, adoh wus jarwèku, ing langit, wredi ngawiyat, dé natan, ora ana rikang jarwi, windu; tumbuking warsa.

꧃ꦢꦸꦏ꧀ꦲꦶꦁꦏꦸꦤ꧀ꦤꦱꦮꦶꦤ꧀ꦢꦸꦥꦸꦤ꧀ꦤꦶꦏꦶ꧈ꦲꦺꦠꦁꦔꦶꦫꦥꦤ꧀ꦱꦥꦸꦭꦸꦃꦮꦂꦱ꧈ꦱꦮꦶꦤ꧀ꦢꦸꦱꦏꦭꦫꦤ꧀ꦤꦺ꧈ꦭꦩꦸꦤ꧀ꦱꦥꦸꦭꦸꦃꦮꦶꦤ꧀ꦢꦸ꧈ꦲꦺꦠꦁꦔꦶꦫꦥꦤ꧀ꦱꦠꦸꦱ꧀ꦮꦂꦱ꧈ꦠꦸꦩ꧀ꦧꦹꦏ꧀ꦏꦶꦁꦮꦶꦤ꧀ꦢꦸꦲꦶꦏ꧈ꦱꦏꦭꦶꦫꦤ꧀ꦤꦶꦥꦸꦤ꧀‍‍ꦲꦶꦪꦲꦶꦔꦫꦤ꧀ꦱꦗꦩꦤ꧀‍ꦩꦸꦭꦢꦸꦏ꧀ꦲꦶꦁꦏꦸꦤ꧀ꦤꦱꦗꦩꦤ꧀ꦥꦸꦤ꧀ꦤꦶꦏꦶ꧈ꦲꦸꦩꦸꦂꦫꦺꦱꦠꦸꦱ꧀ꦮꦂꦱ꧉

JGST : duk hiŋ kunna sawindu punniki, hétaŋṅīra pan ṣapuluḥ waṙsa, sawindu sakalaranné, lamun sapuluḥ windu, hétaŋṅira pan ṣatus waṙsa, tumbhukkiŋ windu hika, sakalirannipun, hiya hiṅaran ṣajaman, mula duk hiŋ kunna sajaman punniki, humuṙré satus waṙsa.

EBBY : duk ing kuna sawindu puniku, étangira pan sapuluh warsa, sawindu sakalarané, lamun sapuluh windu, étangira pan satus warsa, tumbuking windu ika, sakaliranipun, iya ingaran sajaman, mula duk ing kuna sajaman puniki, umuré satus warsa.

꧃ꦲꦤꦺꦁꦮꦶꦪꦠ꧀꧇ꦏꦁꦲꦤꦲꦶꦁꦭꦔꦶꦠ꧀‍‍ꦥꦤ꧀ꦱꦢꦱ꧇ꦱꦽꦔꦺꦔꦺꦉꦩ꧀ꦧꦸꦭꦤ꧀‍ꦭꦶꦤ꧀ꦠꦁꦏꦭꦮꦤ꧀ꦩꦺꦒꦤ꧀ꦤꦺ꧈ꦏꦶꦭꦠ꧀ꦩꦼꦟ꧀ꦣꦸꦁꦒꦭꦸꦣꦸꦒ꧀‍‍ꦲꦔꦶꦤ꧀ꦲꦸꦢꦤ꧀ꦏꦸꦮꦸꦁꦩꦸꦁꦏꦱ꧀ꦱꦶ꧈ꦪꦲꦶꦏꦸꦲꦫꦤ꧀ꦤꦶꦁꦏꦁ꧈ꦮꦸꦗꦸꦢ꧀ꦥꦩꦾꦂꦱꦺꦏꦸ꧈ꦏꦁꦏꦠꦺꦴꦤ꧀ꦏꦁꦏꦥꦶꦪꦂꦱ꧈ꦱꦏꦢꦸꦤ꧀ꦚ꧉ꦒꦤ꧀ꦠꦾꦲꦶꦁꦏꦁꦮꦶꦢꦶꦏ꧀ꦮꦶꦢꦶꦏ꧀‍ꦮꦽꦢꦶꦤ꧀ꦤꦺꦱꦩꦂꦱꦩꦂ꧉

JGST : hanêŋ wiyat; kaŋ hana hiŋ laṅit, pan sadasa; sṛěṅéṅé ṛěmbulan, lintaŋ kalawan méganné, kilat měṇḍuŋ galudhug, haṅin hudan kuwuŋ muŋkasṣi, yahiku haran niŋkaŋ, wujud pamỿaṙsêku, kaŋ katon kaŋ kapiyaṙṣa, saka dunña, gantỿa hiŋkaŋ widik widik, wṛědinné samaṙ samaṙ.

EBBY : anèng wiyat, kang ana ing langit, pan sadasa, srengéngé rembulan lintang kalawan megané, kilat mendung galudhug angin udan kuwung mungkasi, yaiku aran ingkang, wujud pamyarsèku kang katon kang kapiyarsa, saka dunya, gantya ingkang widik-widik, wrediné samar-samar.

꧃ꦢꦾꦤ꧀‍ꦩꦊꦠꦶꦏ꧀꧇ꦩꦚ꧀ꦕꦹꦭꦠ꧀ꦏꦁꦗꦂꦮꦶ꧉ꦱꦶꦂꦤꦺꦁꦲꦶꦏꦸꦮꦽꦢꦶꦤ꧀ꦤꦶꦫꦲꦶꦭꦁ꧈ꦒꦒꦤꦠꦤ꧀ꦮꦹꦗꦸꦢ꧀ꦉꦏꦺ꧉ꦢꦺꦱꦒꦸꦁꦔꦶꦁꦢꦱ꧀‍‍ꦲꦶꦏꦸ꧈ꦲꦶꦁꦏꦁꦲꦶꦭꦁꦫꦶꦏꦤ꧀ꦤꦁꦮꦽꦢꦶ꧉ꦮ꧀ꦮꦭꦁꦮꦽꦢꦶꦩꦲꦸꦮꦭ꧀‍ꦢꦺꦏꦺꦴꦱ꧀‍ꦮꦽꦢꦶꦱꦸꦮꦸꦁ꧉ꦮꦠꦏ꧀ꦱꦥꦸꦭꦸꦃꦮꦸꦱ꧀ꦗꦂꦮ꧈ꦮꦺꦴꦱ꧀ꦱꦺꦮꦠꦏ꧀ꦱꦥꦸꦭꦸꦃꦢꦺꦤ꧀ꦤꦶꦁꦲꦩꦶꦫꦶꦠ꧀‍ꦢꦺꦴꦃꦭꦩꦠ꧀ꦭꦩꦠ꧀ꦲꦶꦭꦁ꧉

JGST : dỿan maḷětik ; mañculat kaŋ jaṙwi, siṙnêŋ hiku wṛědinnira hilang, gagana tan wujūd ṛěké, désa guŋṅiŋ das hiku, hiŋkaŋ hilaŋ rikannaŋ wṛědi, wwalaŋ wṛědi mahuwal, dé kos, wṛědi suwuŋ. Watak ṣapuluḥ wus jaṙwa, wosṣé watak ṣapuluḥ dénniŋ hamirit, doḥ lamat lamat hilaŋ.

EBBY : dyan maletik; manculat kang jarwi, sirnèng iku wredinira hilang, gagana tan wujud rekè, désa gunging das iku, ingkang ilang rikanang wredi, walang wredi mauwal, de kos, wredi suwung. Watak sapuluh wus jarwa, wose watak sapuluh déning amirit, doh lamat-lamat ilang.

꧃ꦱꦸꦮꦸꦁꦣꦸꦮꦸꦂꦏꦁꦲꦮꦶꦠ꧀ꦥꦶꦤ꧀ꦤꦶꦫꦶꦠ꧀‍꧈ꦱꦏꦗꦿꦺꦴꦤ꧀ꦤꦺꦏꦭꦸꦮꦼꦁꦔꦶꦁꦲꦼꦢꦱ꧀‍꧈ꦲꦺꦱ꧀ꦠꦸꦠꦤ꧀ꦤꦤꦮꦸꦗꦸꦢ꧀ꦢꦺ꧈ꦢꦢꦾꦧꦸꦮꦼꦁꦱꦲꦺꦱ꧀ꦠꦸ꧈ꦲꦥꦤ꧀ꦱꦸꦮꦸꦁꦏꦉꦥ꧀ꦥꦺꦪꦼꦏ꧀ꦠꦶ꧈ꦠꦩꦠ꧀ꦏꦁꦮꦠꦏ꧀ꦲꦼꦢꦱ꧀‍ꦮꦠꦺꦴꦤ꧀ꦤꦺꦏꦸꦢꦸꦮꦿꦸꦃ꧈ꦧꦱꦤ꧀ꦤꦶꦁꦱꦁꦏꦭꦲꦶꦏ꧈ꦗꦼꦂꦠꦱꦺꦲꦺꦴꦱ꧀ꦭꦮꦤ꧀ꦧꦱꦠꦼꦩ꧀ꦧꦸꦁꦏꦮꦶ꧈ꦏꦭꦩꦸꦤ꧀ꦠꦼꦩ꧀ꦧꦸꦁꦏꦮꦾ꧉

JGST : suwuŋ dhuwuṙ kaŋ hawit pinnirit, saka jŕonné kaluwěŋṅiŋ hědas, héstu tan nana wujuddé, dadỿa buwěŋ sahéstu, hapan suwuŋ kaṛěppé yěkti, tamat kaŋ watak hědas, watonné kudu wŕuḥ, basanniŋ saŋkala hika, jěṙ ta séhos lawan basa těmbhuŋ kawi, kalamun těmbhuŋ kawỿa.

EBBY : suwung dhuwur kang awit pinirit, saka jroné kaluwenging edas, estu tan nana wujudé, dadya buweng saestu, apan suwung karepé yekti, tamat kang watak edas, watoné, kudu wruh, basaning sangkala ika, jer ta séos lawan basa tembung kawi, kalamun tembung kawya.

꧃꧉꧐꧉꧃ꦫꦸꦥ꧈ꦮꦂꦤꦮꦽꦢꦶꦤ꧀ꦤꦶꦥꦸꦤ꧀ꦱꦩꦶ꧈ꦪꦺꦤ꧀ꦱꦁꦏꦭꦫꦸꦥꦮꦠꦏ꧀ꦗꦸꦒ꧈ꦮꦂꦤꦱꦏꦮꦤ꧀ꦮꦠꦏ꧀ꦏꦺ꧈ꦤꦶꦔꦭ꧀ꦭꦶ꧈ꦲꦸꦤ꧀ꦤꦶꦔꦺꦏꦸ꧈ꦪꦺꦤ꧀ꦲꦶꦁꦏꦮꦶꦗꦂꦮꦤ꧀ꦤꦺꦱꦩꦶ꧈ꦤꦔꦶꦁꦧꦱꦱꦁꦏꦭ꧈ꦤꦶꦔꦭ꧀ꦭꦶꦥꦸꦤ꧀ꦤꦶꦏꦸ꧈ꦲꦥꦤ꧀ꦭꦺꦴꦫꦺꦴꦮꦠꦏ꧀ꦏꦶꦫ꧈ꦢꦺꦲꦸꦤ꧀ꦤꦶꦔꦠꦶꦠꦶꦒꦮꦠꦏ꧀ꦏꦶꦫꦺꦏꦶ꧈ꦲꦸꦠꦮꦱꦸꦠ꧈ꦪꦺꦴꦒ꧉

JGST : 0. Rupa, waṙna wṛědinnipun ṣami, yèn ṣaŋkala rupa watak juga, waṙna sakawan watakké, niṅalli, hunniṅêku, yèn hiŋ kawi jaṙwanné sami, naṅiŋ basa saŋkala, niṅalli punniku, hapan loro watakkira, dé hunniṅa titiga watakkirêki, hutawa suta, yoga.

EBBY : 0. Rupa, arna wredinipun sami, yèn sangkala rupa watak juga, warna sakawan wataké, ningali, uningèku, yèn ing kawi jarwané sami, nanging basa sangkala, ningali puniku, apan loro watakira, dé uninga titiga watakirèki, utawa suta, yoga.

꧃ꦪꦺꦤ꧀ꦲꦶꦁꦏꦮꦶꦥꦣꦮꦽꦢꦶꦱꦶꦮꦶ꧈ꦪꦺꦤ꧀ꦱꦁꦏꦭꦲꦶꦏꦸꦲꦶꦪꦧꦺꦢ꧈ꦱꦸꦠꦺꦏꦸꦱꦶꦗꦶꦮꦠꦏ꧀ꦏꦺ꧈ꦢꦺꦪꦺꦴꦒꦮꦠꦏ꧀ꦕꦠꦸꦂ꧈ꦲꦶꦪꦲꦶꦏꦸꦧꦺꦢꦱꦪꦼꦏ꧀ꦠꦶ꧈ꦧꦱꦱꦁꦏꦭꦭꦮꦤ꧀‍ꦠꦼꦩ꧀ꦧꦸꦁꦏꦮꦶꦭꦸꦒꦸ꧈ꦊꦒꦸꦠꦤ꧀ꦤꦼꦤ꧀ꦲꦶꦁꦥꦩꦂꦢꦾ꧈ꦢꦶꦩꦺꦤ꧀ꦱꦶꦢꦢꦸꦩꦢꦾꦮꦶꦢꦒ꧀ꦢꦺꦁꦧꦸꦢꦶ꧈ꦠꦼꦠꦼꦥ꧀ꦠꦶꦧꦺꦁꦱꦩ꧀ꦧꦢ꧉꧃꧉ꦆ꧉꧃

JGST : yèn hiŋ kawi padha wṛědi siwi, yèn ṣaŋkala hiku hiya béda, sutêku siji watakké, dé yoga watak catuṙ, hiya hiku béda sayěkkti, basa saŋkala lawan, těmbhuŋ kawi lugu, ḷěgutanněn hiŋ pamaṙdỿa, dimèn sida dumadỿa widagdêŋ budi, tětěp tibêŋ sambhad.

EBBY : yèn ing kawi padha wredi siwi, yèn sangkala iku iya béda, sutèku siji wataké, dé yoga watak catur, iya iku béda sayekti, basa sangkala lawan, tembung kawi lugu, legutanen ing pamardya, dimèn sida dumadya widadèng budi, tetep tibèng sambad.

http://ꦱꦼꦒꦗꦧꦸꦁ.id