ꦮꦠꦏ꧀꧇꧘꧇
Watak 8
꧃ꦪꦥꦶꦥꦶꦠꦸ꧇ꦒꦶꦃꦥꦶꦥꦶꦠꦸꦲꦸꦒꦶ꧈ꦪꦺꦏꦸꦠꦼꦩ꧀ꦨꦁꦗꦂꦮꦥꦤ꧀ꦮꦸꦱ꧀ꦠꦼꦢꦃ꧈ꦏꦭꦩꦸꦤ꧀ꦥꦶꦠꦸꦮꦠꦏ꧀ꦏꦺ꧉ꦱꦩ꧀ꦥꦠ꧀ꦮꦠꦏ꧀ꦥꦶꦥꦶꦠꦸ꧉ꦮꦠꦏ꧀ꦮꦺꦴꦭꦸꦩꦼꦤ꧀ꦤꦺꦮꦶꦤ꧀ꦤꦂꦤꦶ꧈ꦧꦸꦧꦸꦏꦤ꧀ꦤꦶꦫꦤꦒ꧈ꦮꦽꦢꦶꦲꦸꦭꦲꦒꦸꦁ꧈ꦩꦸꦭꦢꦢꦾꦮꦠꦏ꧀ꦲꦰ꧀ꦛ꧈ꦢꦺꦤ꧀ꦤꦶꦁꦢꦂꦧꦺꦥꦔꦮꦱꦮꦺꦴꦭꦸꦁꦮꦂꦤꦶ꧈ꦣꦶꦲꦶꦤ꧀ꦢꦂꦧꦺꦏꦸꦩꦫ꧉
JGST : ya pipitu: giḥ pipitu hugi\ yêku tembhūŋ jaṙwa pan wus tědaḥ\ kalamun pitu watakké\\ Sampat watak pipitu\\ Watak wolu měnné winnaṙni\ bubukannira naga\ wṛědi hula haguŋ\ mula dadỿa watak haṣṭa\ dénniŋ daṙbé paṅawasa woluŋ waṙni\ dhihin daṙbé kumara\\
PUJL : ya pipitu: gih pipitu ugi, yèku tembung jarwa pan wus tedah, kalamun pitu watake. Sampat watak pipitu Watak wolu mené winarni, bubuka nira naga, wredi ula agung, mula dadya watak astha, déning darbé pangawasa wolung warni, dhihin darbé kumara.
JGST : yêku muṣṭika minnoŋka dadi\ pŕamanné lamun wěṅi bisa\ kaŋgo madhaŋṅi sawabbhé\ dénné piŋ kaliḥhipun daṙbé kasantosan linuwiḥ\ bětaḥ matékkěn raga\ kapiŋ tigannipun handaṙbénni hiŋ karosan\ kaŋ kapiŋ pat handaṙbénni wisa mandi\ němḅūṙ kaṙya saŋsaya\\
PUJL : yèku mustika minongka dadi pramané lamun wengi bisa, kanggo madhangi sawabé, déné ping kalihipun darbé kasantosan linuwih, betah matéken raga, kaping tiganipun andarbéni ing karosan, kang kaping pat andarbéni wisa mandi, nembur karya sangsaya.
꧃ꦏꦥꦶꦁꦭꦶꦩꦲꦶꦏꦸꦲꦤ꧀ꦢꦂꦧꦺꦤ꧀ꦤꦶ꧈ꦥꦔꦽꦩꦼꦏ꧀ꦏꦤ꧀ꦩꦸꦊꦠ꧀ꦒꦸꦧꦼꦠ꧀ꦨꦶꦱ꧈ꦏꦁꦏꦥꦶꦁꦤꦼꦩ꧀ꦥꦔ꧀ꦮꦱꦤ꧀ꦤꦺ꧈ꦥꦔ꧀ꦭꦸꦁꦭꦸꦱ꧀ꦰꦤ꧀ꦲꦔꦸꦭꦸ꧈ꦲꦠꦤ꧀ꦤꦥꦶꦧꦶꦱꦔ꧀ꦭꦸꦁꦱꦸꦁꦔꦶ꧈ꦢꦺꦤ꧀ꦤꦺꦏꦁꦏꦥꦶꦁꦱꦥ꧀ꦠ꧈ꦲꦶꦁꦏꦮꦱꦤ꧀ꦤꦶꦥꦸꦤ꧀꧈ꦲꦤ꧀ꦢꦂꦧꦺꦤ꧀ꦤꦶꦥꦔꦿꦏꦼꦠ꧀ꦠꦤ꧀ꦪꦺꦏꦸꦥꦔ꧀ꦭꦺꦁꦏꦺꦠ꧀ꦠꦤ꧀ꦰꦮꦧ꧀ꦨꦶꦫꦧꦁꦏꦶꦠ꧀ꦕꦼꦥꦼꦠ꧀ꦔꦩ꧀ꦨꦃꦮꦶꦠ꧀ꦮꦶꦠ꧀ꦠꦤ꧀꧈
JGST : kapiŋ lima hiku handaṙbénni\ paṅṙěměkkan gubět ḅisa\ kaŋ kapiŋ něm paṅwasanné\ paṅlulusṣan haṅulu\ hatannapi bisa ṅluŋsuŋṅi\ dénné kaŋ kapiŋ sapta\ hiŋ kawasannipun\ handaṙbénni paṅṛakěttan\ yêku paṅléŋkéttan ṣawabḅira baŋkit\ cěpět ṅamḅaḥ wit wittan\\
PUJL : kaping lima iku andarbeni, pangremekan mulet gubet bisa, kang kaping nem pangwasané, panglulusan angulu, atanapi bisa nglungsungi, déné kang kaping sapta, ing kawasanipun, andarbéni pangraketan, yèku panglengketan sawabira bangkit, cepet nambah wit-witan.
꧃
JGST : kapiŋ wolu hiku handaṙbénni, haji niṙmala: yahiku ḷěṅa, saŋkal putuŋ néŋ pěṭitté, bisa nuntumkěn bhaluŋ, miwaḥ suŋsum kulit lan gětiḥ. Pannagan těgěsṣira, paŋgonnan naga guŋ, mula dadỿa watak aṣṭa, hawit dénniŋ kagawa saka hiŋ gonniŋ, naga wahu punnika,
EBBY : kaping wolu iku andarbéni, aji nirmala; yaiku lenga, sangkal putung nvng petité, bisa nuntumken balung, miwah sungsum kulit lan getih. Panagan tegesira, panggonan naga gung, mula dadya watak astha, awit déning kagawa saka ing goning, naga wau punika.
꧃
JGST : měnné maŋkỿa salira kaŋ wṛědi, yêku manñawak kaŋ sabêŋ tiṙta, maṙma wowolu watakké, dénniŋ salira hiku, daṙbé watěk woluŋ pŕakawis, dhihin mantěp nastapa, kapiŋ kaliḥhipun bisa haṅambhaḥ hiŋ dharat, kapiŋ tiga bisa haṅambhah hiŋ kali, piŋ pat haṅlugas raga.
EBBY : mené mangkya salira kang wredi, yèku manyawak kang sabèng tirta, marma wowolu wataké, déning salira iku, darbé watek wolung prakawis, dhihin mantep nastapa, kaping kalihipun bisa angambah ing dharat, kaping tiga bisa angambah ing kali, ping pat anglugas raga.
꧃
JGST : těgěsṣipun yahikū ṅluŋsuŋṅi, kapiŋ lima rinniṅan hiŋ boŋsa, piŋ něm těbih saŋgamanné, dénné kaŋ kapiŋ pitu, hasŕiŋ pinnilala hiŋ janmi, pinnèt moŋka sarana, dé kaŋ kapiŋ wolu, huga kadunuŋṅan wisa. Měnné gantỿa basu: těkék hiŋkaŋ wṛědi, maṙma wolu kaŋ watak.
EBBY : tegesipun yaiku nglungsungi, kaping lima riningan ing bongsa, ping nem tebih sanggamané, déné kang kaping pitu, asring pinilala ing janmi, pinèt mongka sarana, dé kang kaping wolu, uga kadunungan wisa. Mené gantya basu; tekék ingkang wredi, marma wolu kang watak.
꧃
JGST : dénniŋ daṙbé watěk woluŋ waṙni, hiŋkaŋ dhihin haṅayom manuŋsa, kapiŋ kaliḥ hiku daṙbé, pléŋkèttan kapiŋ tělu, kaṛěm tapa kapiŋ pat něŋgiḥ, bisa ṅambhaḥ hiŋ toya, kapiŋ limannipun bisa ṅambhaḥ hiŋ dharattan, kapiŋ něnněm hiku bisa haṅluŋsuŋṅi, piŋ pitu daṙbé wisa.
EBBY : déning darbé watek wolung warni, ingkang dhihin angayom manungsa, kaping kalih iku darbé, pléngkètan kaping telu, karem tapa kaping pat nenggih, bisa ngambah ing toya, kaping limanipun bisa ngambah ing dharatan, kaping nenem iku bisa anglungsungi, ping pitu darbé wisa.
꧃
JGST : kapiŋ wolu hamémènnèk bhaŋkit, maŋkỿa tanu: buṅlon waṙdinnira, mila wolu hiŋ watakké, dénniŋ daṙbénni hiku, hiŋ paṅwasa woluŋ pŕakawis. Dhihin kaṛěm nastapa, kapiṇḍonné hiku, daṙbé kumara piŋ tiga, bisa momoṙ hannaṙtanni sakèh waṙni, waṙna kaŋ dinunuŋṅan.
EBBY : kaping wolu amémènnèk bangkit, mangkya tanu; bunglon wardinira, mila wolu ing wataké, déning darbéni iku, ing pangwasa wolung prakawis. Dhihin karem nastapa, kapindoné iku darbé kumara ping tiga, bisa momor anartani sakèh warni, warna kang dinunungan.
꧃
JGST : kaŋ kapiŋ pat bhisa haṅluŋsuŋṅi, yêku baŋkit habigas ragaña, kapiŋ gaŋsal pambhěkkanné, kumawiṙya punniku, kapiŋ něnněm hapan daṙbènni, kaŋ lisaḥ haniṙmala, dé kaŋ kapiŋ pitu, rinniṅan ṣamanniŋ boŋsa, dénné hiŋkaŋ kapiŋ wolu hamuŋkasṣi, sabaṙ paṅaŋgěppira.
EBBY : kang kaping pat bisa anglungsungi, yèku bangkit abigas raganya, kaping gangsal pambékané, kumawirya puniku, kaping nenem apan darbèni, kang lisah anirmala, dé kang kaping pitu riningan samaning bongsa, déné ingkang kaping wolu amungkasi, sabar pangarepira.
꧃
JGST : měnné muṙti, cěcak hiŋkaŋ wṛědi, mila dadỿā wowolu kaŋ watak, dé cěcak hikū watěkké, pan woluŋ pṙakarêkū, hiŋkaŋ dhihin ṅayom hiŋ janmi, kapiṇḍo haḷěkṣana, yêku těgěsṣipun, saṙwa rikat solaḥhira, kapiŋ tělu paṅlěkěttan handaṙbénni, yahikū paṅlèŋkéttan.
EBBY : mené murti, cecak ingkang wredi, mila dadya wowolu kang watak, dé cecak iku wateké, pan wolung prakarèku, ingkang dhihin ngayom ing janmi, kapindho aleksana, yèku tegesipun, sarwa rikat solahira, kaping telu pangleketan andarbèni, yaiku panglèngketan.
꧃
JGST : sawabbhipun hamémènèk bhaŋkit, kaŋ kapiŋ pat pupulỿa sarira, yén těnna sambhékalanné, kaŋ tumṛap bhadannipun, boñok bhuntuŋ gělis hapuliḥ, dénné kaŋ kapiŋ lima, badanné punniku, těnna kinaṙya sarana, yèn pinnaṅan bhisa běcikkakěn ḍiri, piŋ něm hati gas raga.
EBBY : sawabipun mémènèk bankit, kang kaping pat pupulya sarira, yén tena sambékalané, kang tumrap badanipun, bonyok buntung gelis apulih, déné kang kaping lima, badané puniku tena kinarya sarana, yèn pinangan bisa becikaken dhiri, ping nem ati gas raga.
꧃
JGST : hiya hiku bisa haṅluŋsuŋṅi, hiŋkaŋ kapiŋ pitunné suwaṙna, yêku běcik hiŋ waṙnanné, dénné kaŋ kapiŋ wolu, suŋ sasmita swara mṛiŋ janmi, samoŋsa bakal hana, sambékala rawuḥ, munni haṅěcěk cěk cěkkan, gỿa kuñjara: kaṇḍaŋ gajaḥ têkaŋ wṛědi, mila wolu watakña.
EBBY : iya iku bisa anglungsungi, ingkang kaping pituné suwarna, yèku becik ing warnané, déné kang kaping wolu, sung sasmita swara mring janmi, samongsa bakal ana, sambékala rawuh, muni angecek-cekcekan, gya kunjara; kandhang gajah tèkang wredi, mila wolu wataknya.
꧃
JGST : wit kagawa gonniŋ gajaḥ yěkti. Gajaḥ těgěsṣé gajaḥ kaŋ lagỿa, dumunuŋ hiŋ wantillanné, mula hawatak wolu, dénniŋ susaḥ woluŋ pŕakawis, kaŋ dhihin ṣusaḥ badan. Piṇḍo waṙdêyaku, piŋ tiga susaḥ pasaban, dénné hiŋkaŋ kapiŋ pat ṣusaḥ habukti, piŋ lima kasakittan.
EBBY : wit kagawa gonung gajah yekti, gajah tegesé gajah kang lagya, dumunung ing wantilané, mula awatak wolu, déning susah wolung prakawis, kang dhihin susah badan, pindo wardèyaku, ping tiga susah pasaban, déné ingkang kaping pat susah abukti, ping lima kasakitan.
꧃
JGST : sakitta bětting tali mỿaŋ hěcis, kapiŋ něnněm ṣusaḥhiŋ panniṅal, tan bhawéra panniṅallé, dénné kaŋ kapiŋ pitu, pisaḥ lawan para boŋsêki. Dénné kaŋ kapiŋ haṣṭa, susah hasmarêkū, dipoŋga těgěsṣé gajaḥ, tinnitiyan hiŋ ratu maṙmanné dadi, watak wolu wittira.
EBBY : sakita beting tali myang ecis, kaping nenem susah ing paningal, tan bawéra paningalé, déné kang kaping pitu, pisah lawan para bongsèki. Déné kang kaping astha, susah asmarèku, dipongga tegesé gajah, tinitiyan ing ratu marmané dadi, watak wolu witira.
꧃
JGST : duk hiŋ jaman kunna parabottiŋ, dipoŋgé kūpan woluŋ pŕakara, kaŋ dhihin hikū papahés, dénné piŋ kaliḥhipun, haṅéṅrèbỿèŋ hiŋ joŋga muŋgiŋ, hiṅarannan ṣosobŕaḥ, héṣṭanné liṙ rambhut, hutawi jéjéŋgottira, dénné hiŋkaŋ kapiŋ tiga hantiŋ-hantiŋ, yahiku sěŋkaŋṅira.
EBBY : duk ing jaman kuna paraboting, diponggé kupan wolung prakara, kang dhihin iku papahés, déné ping kalihipun, angéngrèbyèng ing jongga mungging, ingaranan sosobrah, éstané lir rambut, utawi jéjénggotira, déné ingkang kaping tiga anting-anting, yaiku sengkangira.
꧃
JGST : kakoloŋkěn kadỿa hali-hali, kaŋ kapiŋ pat kěkěṇḍit hiŋ joŋga, kaŋ dadỿa liru hapusṣé, dénné piŋ limannipun, hiṅarannan pŕamada něŋgiḥ, hiŋkaŋ piṇḍa salébŕak, moŋka lèmèkkipun, kapiŋ něm hambhěn haranña, dénné hiŋkaŋ piŋ pitu rajut luluŋsiṙ, muŋgèŋ wuri pŕamada.
EBBY : kakolongken kadya ali-ali, kang kaping pat kekendhit ing jongga, kang dadya liru apusé, déné ping limanipun ingaranan pramada nenggih, ingkang pinda salébrak, mongka lèmèkipun, kaping nem amben aranya, déné ingkang ping pitu rajut lulungsir, munggèng wuri pramada.
꧃
JGST : kapiŋ wolū tatapěl kaŋ muŋgiŋ, taracakan rinněkṣa hiŋ tosṣan, jaŋkěp hiŋkaŋ haŋgèn-haŋgèn, gỿā hèṣṭi těgěsṣipun, gajaḥ hiŋkaŋ dèn palananni, dé palananniŋ gajaḥ, ya busana wolu, wahu kaŋ kasěbut ṅaṙsa, maṙmannira dadi watak wolu něŋgiḥ, mirit parabottira.
EBBY : kaping wolu tatapel kang mungging, taracakan rineksa ing tosan, jangkep ingkang anggèn-anggèn, gya èsthi tegesipun, gajah ingkang dèn palanani, dé palananing gajah, ya busana wolu, wau kang kasebut ngarsa, marmanira dadi watak wolu nenggih, mirit parabotira.
꧃
JGST : měnné gantỿa samadỿa kaŋ wṛědi, gajaḥ hanêŋ těṅaḥhiŋ dadalan, maṙma wowolu watakké, gajaḥ néŋ maṙga hiku, daṙbé kaṛěp woluŋ pṙakawis, kaŋ dhihin haṙsa saba, piṇḍo nědỿa hadus, kapiŋ tiga kaṙsa ṅéŋgaṙ-héŋgaṙ badan hamṙiḥ kasiliṙriŋ haṅin, kapiŋ pat ḷěpat dénña.
EBBY : mené gantya samadya kang wredi, gajah anèng tengahing dadalan, marma wowolu wataké, gajah neng marga iku, darbé karep wolung prakawis, kang dhihin arsa saba, pindho nedya adus, kaping tiga karsa ngenggar-enggar badan amrih kasiliring angin, kaping pat lepat denya.
꧃
JGST : hambhūbujuŋ hiŋ maŋsa nnirêki, kapiŋ lima haṙsa hanněnědha, hiŋkaŋ kapiŋ něm kaṛěppé, hakikipu hiŋ ḷěbu, kapiŋ pitu kaṙsa nnirêki, haṅṛěraṅu baŋsaña, piŋ wolu yun ṅinum, maŋgala těgěsṣé gajaḥ, binněkta pŕaŋ dadi ṅaṛěppiŋ jurit, mila wolu watakña,
EBBY : ambubujung ing mangsa nirèki, kaping lima harsa anenedha, ingkang kaping nem karepé, akikipu ing lebu, kaping pitu karsa nirèki, angreranu bangsanya, ping wolu yun nginum, manggala tegese gajah, binekta prang dadi ngareping jurit, mila wolu wataknya.
꧃
JGST : haṅajěŋkěn hiŋ woluŋ pŕakawis, hiŋkaŋ dhihin ṅajěŋkěn gadhiŋña, piṇḍo ṅajěŋkěn tělalé, piŋ tŕi ṅajěŋkěn ṣuku, kaŋ kapiŋ pat ṅajěŋkěn hěcis, dénné kaŋ kapiŋ lima, ñaběttakěn bhuntut, kapiŋ něm ṅajěŋkěn badhan, hupamanné hakosot miwaḥ ṅěbŕukki, dénné kaŋ kapiŋ sapta.
EBBY : angajengken ing wolung prakawis, ingkang dhihin ngajengken gadhingnya, pindho ngajengken telalé, ping tri ngajengken suku, kang kaping pat ngajengken ecis, déné kang kaping lima, nyabetaken buntut, kaping nem ngajengken badan, upamané akosot miwah ngebruki, déné kang kaping sapta.
꧃
JGST : ṅědallakěn ṣwara gigirisṣi, lamun pětak hakarya girisṣa, dénné kaŋ kapiŋ wolunné, gajaḥ kalamun něpṣu, tlalénnira ṅědalkěn haṅin, dirada: gajaḥ měta, maṙma watak wolu, dénné hadaṙbé lagéyan, lagéyanně pan hana woluŋ pŕakawis, dhihin masaŋ gadhiŋña,
EBBY : ngedalaken swara gigirisi, lamun petak akarya girisa, déné kang kaping woluné, gajah kalamun nepsu, tlalénira ngedalken angin, dirada; gajah meta, marma watak wolu déné adarbé lagéyan, lagéyané pan ana wolung prakawis, dhihin masang gadhingnya.
꧃
JGST : kapiŋ kaliḥ mlěḷěŋ nétŕrannêki, kapiŋ tiga mogok lakunnira, piŋ pat ṅuŋgaḥkěn tělalé, piŋ gaŋsal gědŕuk suku, kapiŋ něnněm ṅědalkěn haṅin, kapiŋ pitu hamobat-mabittakěn bhuntut, piŋ wolu pětak hasora, gỿa bujoŋga: hula lannaŋ têkaŋ wṛědi, watak padha lan naga.
EBBY : kaping kalih mleleng nétranèki, kaping tiga mogok lakunira, ping pat ngunggahken telalé, ping gangsal gedruk suku, kaping nenem ngedalken angin, kaping pitu amobat-mabitaken buntut, ping wolu petak asora, gya bujongga; ula lanang tèkang wredi, watak padha lan naga.
꧃
JGST : kaŋ sawěnnèḥhana kaŋ handugi, lamun bhasa pujoŋga punnika, jimattiŋ ratu těgěsṣé, maṙma hawatak wolu, kagunanné woluŋ pŕakawis, dhihin paramasastŕa, těgěsṣé punniku, linuwiḥhing kasusastŕan, kaŋ kapiṇḍo yahiku parama kawi, dé těgěsṣé punika.
EBBY : kang sawenèhana kang andugi, lamun basa pujongga punika, jimating ratu tegesé, marma awatak wolu, kagunané wolung prakawis, dhihin paramasastra, tegesé puniku, linuwihing kasusastran, kang kapindho yaiku parama kawi, dé tegesé punika,
꧃
JGST : hapan linuwiḥ hiŋ těmbhuŋ kawi, kapiŋ tiga yêka maṙdi basa, limpad hiŋ těmbhuŋ těgěsṣé, bisa béŋkas hanambhuŋ, kaŋ kapiŋ pat dipunwastanni, maṙda walagu hika, dénné těgěsṣipun, ḷěměs mŕiŋ lalagon niŋkaŋ, sěkaṙ miwaḥ lalagonniŋ kannaŋ gěṇḍiŋ, dénné kaŋ kapiŋ lima.
EBBY : apan linuwih ing tembung kawi, kaping tiga yèka mardi basa, limpad ing tembung tegesé bisa béngkas anambung, kang kaping pat dipunwastani, marda walagu ika, déné tegesipun, lemes mring lalagon ingkang, sekar miwah lalagoning kanang gending, déné kang kaping lima.
꧃
JGST : hawi carita těgěsṣé baŋkit, mŕiŋ carita: kapiŋ něm winaṙna, mondṛěgunna hiŋ těgěsṣé, sugiḥ kabisan hiku, kapiŋ pitu dipun wastanni, nawuŋ kŕidha těgěsña, ḷěpas dèn ṣarawūŋ, hiŋ solaḥ bawa kadŕiya, kapiŋ wolu sambhégana dèn wastanni, těgěsṣipun haliŋṅan.
EBBY : awi carita tegesé bangkit, mring carita: kaping nem winarna, mondreguna ing tegesé, sugih kabisan iku, kaping pitu dipunwastani, nawung kridha tegesnya, lepas dèn sarawung, ing solah bawa kapriya, kaping wolu sambégana dèn wastani, tegesipun alingan.
꧃
JGST : lamun ṣěpěn hiŋ woluŋ pŕakawis, datan wěnnaŋ sinněkut pujoŋga. Bŕahma naṣṭa hiŋ těgěsṣé, paṇḍita sabŕaŋ wolu, ṅunni hana bŕahmana sakiŋ, sabŕaŋ wolu kèḥhira, gělaṙkěn punnikū, kagunnan woluŋ pŕakara, hiŋkaŋ dhihin bhŕahmana śatỿa kaŋ nami, hamulaŋ kasuñatan.
EBBY : lamun sepen ing wolung prakawis, datan wenang sinekut pujongga, brahma nastha ing tegesé, pandhita sabrang wolu, Nguni ana brahmana saking, sabrang wolu kèhira, gelarken puniku, kagunan wolung prakara, ingkang dhihin brahmana satya kang nami, amulang kasunyatan.
꧃
JGST : kapiŋ kaliḥ bŕahmana agdiṣi, mulaŋṅakěn ḍeṣṭi gunna bisa, kapiŋ tiga bŕahmananné, nama ki raṭa hiku, mulaŋṅakěn hiŋ tata kŕami, piŋ pat bhŕahmana ludḍa, hiŋ wuwulaŋṅipun, sakaṭaḥhiŋ japamontŕa, kapiŋ gaŋsal bhŕahmana walmikỿa maṙni, sakéḥhiŋ paṅawikan.
EBBY : kaping kalih brahmana agmisi, mulangaken dhesthi guna bisa, kaping tiga brahmanané, nama ki ratha iku, mulangaken ing tata krami, ping pat brahmana luddha, ing wuwulangipun, sakathahing japamontra, kaping gangsal brahmana walmikya marni, sakehing pangawikan.
꧃
JGST : tandỿa kapiŋ něnněm kaŋ winnaṙni, saŋ bŕahmana īṣṭira : rannira, mulaŋ héṣṭi hiŋ těgěsṣé, paměsunnirêŋ kalbhu, kapiŋ pitu hiŋkaŋ winnaṙni, saŋ bŕahmana sitodḍa, hiŋ wuwulaŋṅipun sakaṭaḥhiŋ kaluwiyan, kapiŋ wolu bŕahmana waśwa kaŋ nami, hamulaŋṅākěn ṣastŕa.
EBBY : tandya kaping nenem kang winarni, sang brahmana isthira: ranira, mulang esthi ing tegesé, pamesunirèng kalbu, kaping pitu ingkang winarni, sang brahmana sitodha, ing wuwulangipun sakathahing kaluwiyan, kaping wolu brahmana waswa kang nami, amulangaken sastra.
꧃
JGST : měnné maŋkỿa dipara kaŋ wṛědi, yêku gajaḥ binněkta caŋkŕama, maṙma wowolū watakké, hawit kagawa hikū, palananné woluŋ pŕakawis, liman ; gajaḥ binněkta, midhaŋ těgěssipun, mila dadỿa watak aṣṭa, duk hiŋ kunna paṅaŋgonné woluŋ waṙni, dhihin papahèsṣira.
EBBY : mené mangkya dipara kang wredi, yèku gajah binekta cangkrama, marma wowolu wataké, awit kagawa iku, palanané wolung prakawis, liman : gajah binekta, midhang tegesipun, mila dadya watak astha, duk ing kuna panganggoné wolung warni, dhihin pahèsira,
꧃
JGST : kapiŋ kaliḥ mawi borèh waṅi, kapiŋ tiga mawi kaluŋ sěkaṙ, piŋ sakawan gon naŋgonné, pŕamada pěṭak hiku, kapiŋ gaŋsal ṣumpiŋ gěnnitŕi, piŋ něm ṣiñjaŋ sekaṙran, moŋka hambhěnnipun, kapiŋ pitu gadhiŋṅira, kadunuŋṅan ranté; kapiŋ wolu mawi, ṅěmot ratus lan dupa.
EBBY : kaping kalih mawi borèh wani, kaping tiga mawi kalung sekar, ping sakawan gon-anggoné, pramada pethak iku, kaping gangsal sumping genitri, ping nem sinjang sekaran, mongka ambenipun, kaping pitu gadhingira, kadunungan ranté : kaping wolu mawi, ngemot ratus lan dupa.
꧃
JGST : tuwin tatal kajěŋ waṅi waṅi, gỿa lan hula; lawannanniŋ hula, maṙma watak wolu kuwé, dé padunuŋṅannipun, hula hiku woluŋ pŕakawis, yahiku hanêŋ wana, néŋ bumi néŋ lahut, néŋ guwa mỿāŋ ṅawaŋ hawaŋ, hapa dénné hanêŋ gūnūŋ miwaḥ kali, tuwin nèŋ těla těla.
EBBY : tuwin tatal kajeng wangi-wangi, gya lan ula : lawananing ula, marma watak wolu kuwé, dé padununganipun, ula iku wolung prakawis, yaiku anèng wana, néng bumi néng laut, néng guwa myang ngawan-awan, apa déné anèng gunung miwah kali, tuwin nang tela-tela.
http://ꦱꦼꦒꦗꦧꦸꦁ.id
0 Komentar