꧅꧗꧅

ꦮꦠꦏ꧀꧇꧖꧇

Watak 6

꧃ꦩꦱꦢꦢꦾꦮꦠꦏ꧀ꦤꦼꦩ꧀ꦮꦶꦠ꧀ꦢꦺꦤ꧀ꦤꦶꦁ꧈ꦢꦸꦏ꧀ꦲꦶꦁꦏꦸꦤ꧀ꦤꦱꦮꦂꦱꦥꦸꦤ꧀ꦤꦶꦏ꧈ꦮꦺꦴꦤ꧀ꦠꦼꦤ꧀ꦤꦼꦩ꧀ꦩꦱꦲꦺꦠꦁꦔꦺ꧈ꦣꦶꦲꦶꦤ꧀ꦰꦶꦱꦶꦫꦲꦶꦏꦸ꧈ꦒꦾꦮꦱꦤ꧀ꦠꦏꦁꦏꦥꦶꦁꦏꦭꦶꦃ꧈ꦏꦥꦶꦁꦠꦿꦶꦩꦱꦒꦿꦶꦱ꧀ꦩ꧈ꦮꦂꦱꦶꦪꦥꦶꦁꦕꦠꦸꦂ꧈ꦒꦁꦱꦭ꧀ꦫꦤ꧀ꦩꦱꦱꦫꦢ꧀ꦝ꧈ꦏꦥꦶꦁꦤꦼꦤ꧀ꦤꦼꦩ꧀ꦩꦱꦲꦶꦩꦤ꧀ꦠꦩꦸꦁꦏꦱ꧀ꦰꦶ꧉ꦱꦢꦿꦱꦠꦼꦒꦼꦱ꧀ꦰꦶꦫ꧉꧅

JGST : Masa dadỿa watak něm wit dénniŋ, duk hiŋ kunna sawaṙsa punnika, wontěn něm masa hétaŋṅé, dhihin ṣi sira hiku, gỿa wacan ta kaŋ kapiŋ kaliḥ, kapiŋ tŕi masa gŕisma, waṙsi ya piŋ catuṙ, gaŋsal ran masa saradḍa, kapiŋ něnněm masa himan ta muŋkasṣi. Sadŕasa těgěsṣira

EBBY : Masa dadya watak nem wit déning, duk ing kuna sawarsa punika, wonten nem masa étangé, dhihin si sira iku, gya wacan ta kang kaping kalih, kaping trima sagrisna, warsi ya ping catur, gangsal ran masa saradha, kaping nenem masa iman ta mungkasi. Sadrasa tegesira.

꧃ꦫꦱꦤꦼꦤ꧀ꦤꦼꦩ꧀‍ꦩꦂꦩꦤ꧀ꦤꦺꦢꦸꦩꦢꦶ꧈ꦮꦠꦏ꧀ꦤꦼꦤ꧀ꦤꦼꦩ꧀ꦢꦺꦧꦺꦴꦒꦥꦸꦤ꧀ꦤꦶꦏ꧈ꦮꦺꦴꦤ꧀ꦠꦼꦤ꧀ꦤꦼꦩ꧀ꦮꦂꦤꦫꦱꦤ꧀ꦤꦺ꧈ꦣꦶꦲꦶꦤ꧀ꦒꦸꦫꦶꦃꦢ꧀ꦮꦶꦏꦼꦕꦸꦠ꧀꧈ꦥꦶꦁꦠꦿꦶꦊꦒꦶꦏꦥꦶꦁꦥꦠ꧀ꦲꦱꦶꦤ꧀‍꧈ꦥꦼꦣꦼꦱ꧀ꦏꦁꦏꦥꦶꦁꦭꦶꦩ꧈ꦥꦲꦶꦠ꧀ꦏꦤ꧀ꦤꦼꦩ꧀ꦩꦶꦥꦸꦤ꧀꧈ꦮꦶꦤ꧀ꦤꦪꦁꦮꦽꦢꦶꦒꦁꦲꦁꦁꦒꦁ꧈ꦩꦶꦫꦶꦠ꧀ꦱꦏꦱꦶꦏꦶꦭ꧀ꦭꦺꦲꦶꦏꦸꦤꦼꦩ꧀ꦲꦶꦗꦶ꧈ꦒꦤ꧇ꦠꦮꦺꦴꦤ꧀ꦮꦂꦢꦶꦚ꧉

JGST : Rasa něnněm, maṙmanné dumadi, watak něnněm dé boga punnika, wontěn něm waṙna rasanné, dhihin guriḥ, dwi kěcut, piŋ tŕi ḷěgi kapiŋ pat hasin, pědhěs kaŋ kapiŋ lima, pahit kanněmmipun, winnayaŋ wṛědi gaŋ haŋgaŋ, mirit ṣaka sikillé hiku něm hiji, gana: tawon waṙdiña.

EBBY : Rasa nenem, marmane dumadi, watak nenem dé boga punika, wonten nem warna rasané, dhihin gurih, dwi kecut, ping tri legi pat asin, pedhes kang kaping lima, pahit kanemipun, winayang wredi gang-anggang, mirit saka sikilé iku nem iji, gana: tawon wardinya.

꧃ꦢꦺꦤ꧀ꦤꦶꦁꦭꦩꦸꦤ꧀ꦩꦱꦏꦤ꧀ꦤꦼꦩ꧀ꦪꦼꦏ꧀ꦠꦶ꧈ꦤꦮꦸꦩꦢꦹꦱꦶꦤꦸꦁꦏꦼꦤ꧀ꦲꦤ꧀ꦤꦏ꧀ꦚ꧉ꦢꦺꦉꦠꦸ꧇ꦲꦮꦺꦴꦂꦮꦽꦢꦶꦤ꧀ꦤꦺ꧈ꦕꦩ꧀ꦥꦸꦂꦫꦺꦏꦤ꧀ꦤꦁꦏꦪꦸꦤ꧀‍ꦏꦁꦫꦸꦩꦸꦲꦸꦤ꧀ꦒꦽꦁꦱꦼꦁꦔꦶꦁꦣꦶꦫꦶ꧈ꦢ꧀ꦮꦶꦲꦗꦸꦤ꧀ꦤꦶꦁꦏꦁꦩꦤ꧀ꦤꦃ꧈ꦠꦿꦶꦲꦗꦸꦤ꧀ꦤꦶꦁꦥꦸꦫꦸꦱ꧀‍ꦕꦠꦸꦂꦲꦗꦸꦤ꧀ꦤꦶꦁꦥꦤ꧀ꦤꦶꦔꦭ꧀‍ꦏꦭꦶꦩꦤ꧀ꦤꦺꦲꦗꦸꦤꦶꦁꦠꦔꦤ꧀‍ꦤꦼꦩ꧀ꦤꦺꦏꦶ꧈ꦲꦗꦸꦤ꧀ꦤꦶꦁꦱꦸꦏꦸꦤ꧀ꦤꦶꦫ꧉

JGST : Dénniŋ lamun masa kanněm yěkti, nawu madū sinuŋkěn hannakña. Dé rětu; awoṙ wṛědinné, campuṙré kannaŋ kayun, kaŋ rumuhun gṛěŋsěŋṅiŋ dhiri, dwi hajunniŋ kaŋ mannaḥ, tŕi hajunniŋ purus, catuṙ hajunniŋ panniṅal, kalimanné hajunniŋ taṅan, němnèki hajunniŋ sukunnira.

EBBY : Déning lamun masa kanem yekti, nawu madu sinungken anaknya. Dé retu; awor wredine, campuré kanang kayun, kang rumuhun grengsenging dhiri, dwi ajuning kang manah, tri ajuning purus, catur ajuning paningal, kalimané ajuning tangan, nemnéki ajuning sukunira.

꧃ꦲꦁꦒꦱ꧀꧇ꦏꦪꦸꦒꦭꦶꦁꦒꦁꦏꦁꦮꦽꦢꦶ꧈ꦪꦺꦏꦸꦏꦪꦸꦠꦫꦶꦁꦔꦤ꧀ꦲꦶꦁꦔꦭꦱ꧀‍ꦏꦁꦢꦢꦶꦱꦧꦧ꧀ꦲꦠꦺꦴꦱ꧀ꦱ꧈ꦱꦏꦶꦁꦤꦼꦩ꧀ꦥꦿꦏꦫꦺꦏꦸ꧈ꦣꦶꦲꦶꦤ꧀ꦱꦏꦶꦁꦱꦶꦭꦶꦂꦫꦶꦁꦲꦔꦶꦤ꧀‍ꦏꦭꦶꦃꦧꦼꦤ꧀ꦠꦺꦂꦫꦶꦁꦱꦸꦂꦪ꧈ꦠꦶꦒꦱꦏꦶꦁꦊꦧꦸ꧈ꦱꦏꦮꦤ꧀ꦥꦤ꧀ꦱꦏꦶꦁꦗꦮꦃ꧈ꦏꦥꦶꦁꦒꦁꦱꦭ꧀ꦥꦤ꧀ꦱꦏꦶꦁꦲꦮꦤ꧀ꦤꦶꦁꦧꦸꦩꦶ꧈ꦱꦏꦶꦁꦧꦸꦤ꧀ꦏꦤ꧀ꦤꦼꦩ꧀ꦩꦶꦫ‎꧉

JGST : Haŋgas: kayu galiŋgaŋ kaŋ wṛědi, yêku kayu tariŋṅan hiŋ ṅalas, kaŋ dadi sabab hatosṣé, sakiŋ něm pṙakarêku, dhihin ṣakiŋ siliṙriŋ haṅin, kaliḥ běntèṙriŋ suṙya, tiga sakiŋ ḷěbu, sakawan pan sṣakiŋ jawaḥ, kapiŋ gaŋsal pan ṣakiŋ hawanniŋ bumi, sakiŋ bun kanněmmira.

EBBY : Anggas: kayu galinggang kang wredi, yèku kayu taringan ing alas, kang dadi sabab atosé, saking nem prakarèku, dhihin saking siliring angin, kalih bentèring surya, tiga saking lebu, sakawan pan saking jawah, kaping gangsal pan saking hawaning bumi, saking bun kaněmira.

꧃ꦩꦁꦏꦾꦲꦺꦴꦪꦒ꧀꧇ꦲꦺꦴꦧꦃꦠꦺꦏꦁꦮꦽꦢꦶ꧈ꦪꦺꦏꦸꦱꦏꦶꦁꦲꦺꦴꦧꦃꦲꦶꦁꦱꦫꦶꦫ꧈ꦏꦁꦣꦶꦲꦶꦤ꧀ꦲꦱ꧀ꦠꦲꦺꦴꦧꦃꦲꦺ꧈ꦏꦭꦶꦃꦲꦺꦴꦧꦃꦲꦶꦁꦱꦸꦏꦸ꧈ꦒꦾꦲꦺꦴꦧꦃꦲꦶꦁꦮꦶꦕꦫꦥꦶꦁꦠꦿꦶ꧈ꦥꦶꦁꦥꦠ꧀ꦲꦺꦴꦧꦃꦲꦶꦁꦤꦺꦠꦿ꧈ꦏꦥꦶꦁꦒꦁꦱꦭ꧀ꦭꦶꦥꦸꦤ꧀‍‍ꦲꦺꦴꦧꦃꦲꦶꦁꦁꦗꦺꦴꦁꦒꦥꦸꦤ꧀ꦤꦶꦏ꧈ꦏꦥꦶꦁꦤꦼꦤ꧀ꦤꦼꦩ꧀ꦲꦺꦴꦧꦃꦲꦶꦁꦮꦸꦭꦸꦩꦸꦁꦏꦱ꧀ꦱꦶ꧈ꦏꦉꦔꦠꦼꦒꦼꦱ꧀ꦱꦶꦫ꧉

JGST : Mangkỿa hoyag, hobaḥ têkaŋ wṛědi, yêku sakiŋ hobaḥhiŋ sarira, kaŋ dhihin hasta hobaḥhé, kaliḥ hobaḥhiŋ suku, gỿa hobaḥhiŋ wicara piŋ tŕi, piŋ pat hobaḥhiŋ nétŕa, kapiŋ gaŋsallipun hobaḥhiŋ joŋga punnika, kapiŋ něnněm hobaḥhiŋ wulu muŋkasṣi, kaṛěṅa těgěsṣira

EBBY : Mangkya oyag, obah tèkang wredi, yéku saking obahing sarira, kang dhihin asta obahé, kalih obahing suku, gya obahing wicara ping tri, ping pat obahing nétra, kaping gangsalipun obahing jongga punika, kaping nenem obahing wulu mungkasi, karenga tegesira.

꧃ꦥꦤ꧀ꦏꦫꦸꦔꦸꦱꦸꦮꦫꦢꦸꦩꦼꦭꦶꦁ꧈ꦩꦶꦭꦢꦢꦶꦮꦠꦏ꧀ꦤꦼꦩ꧀ꦲꦮꦶꦠ꧀ꦚ꧈ꦲꦶꦁꦏꦁꦏꦫꦸꦔꦸꦣꦺꦮꦺꦏ꧀ꦏꦺ꧈ꦮꦺꦴꦤ꧀ꦠꦼꦤ꧀ꦤꦼꦩ꧀ꦮꦂꦤꦲꦶꦏꦸ꧈ꦲꦶꦁꦏꦁꦣꦶꦲꦶꦤ꧀ꦲꦶꦁꦒꦿꦤꦮꦲꦶꦁ꧈ꦏꦥꦶꦁꦏꦭꦶꦃꦲꦶꦁꦭꦺꦱꦤ꧀‍ꦕꦼꦒꦸꦒ꧀ꦩꦶꦮꦃꦮꦠꦸꦏ꧀‍ꦏꦁꦏꦥꦶꦁꦠꦶꦒꦲꦶꦁꦏꦂꦤ꧈ꦥꦤ꧀ꦒꦸꦩꦽꦧꦼꦒ꧀‍‍ꦏꦥꦶꦁꦱꦏꦮꦤ꧀ꦲꦶꦁꦥꦂꦗꦶ꧈ꦱꦼꦤ꧀ꦤꦶꦏꦲꦤꦤ꧀ꦤꦶꦫ꧉

JGST : Pan karuṅu suwara duměliŋ, mila dadi watak něm hawitña, hiŋkaŋ karuṅu dhèwèkké, wontěn něm waṙna hiku, hiŋkaŋ dhihin hiŋ gŕana wahiŋ, kapiŋ kaliḥ hiŋ lésan, cěgug miwaḥ watuk, kaŋ kapiŋ tiga hiŋ kaṙna, pan gumṛěběg, kapiŋ sakawan hiŋ paṙji, sěnni kahanannira.

EBBY : Pan karungu suwara dumeling, mila dadi watak nem awitnya, ingkang karungu dhèwèkké, wonten nem warna iku, ingkang dhihin ing grana wahing, kaping kalih ing lésan, cegug miwah watuk, kang kaping tiga ing karna pan gumrebeg, kaping sakawan ing parji, seni kahananira.

꧃ꦏꦥꦶꦁꦒꦁꦱꦭ꧀ꦥꦸꦤ꧀ꦤꦶꦏꦲꦶꦁꦩꦺꦢꦶ꧈ꦮꦼꦠꦸꦤ꧀ꦤꦶꦁꦲꦔꦶꦤ꧀ꦱꦶꦁꦩꦺꦢꦶꦲꦶꦏ꧈ꦏꦁꦏꦥꦶꦁꦤꦼꦩ꧀ꦏꦊꦱꦼꦠ꧀ꦠꦺ꧈ꦲꦶꦁꦧꦢꦤ꧀ꦱꦿꦶꦁꦗꦸꦩꦼꦛꦸꦠ꧀‍‍ꦲꦶꦁꦏꦁꦢꦠꦤ꧀ꦱꦶꦤ꧀ꦤꦼꦢꦾꦺꦁꦏꦥ꧀ꦠꦶ꧉ꦥꦔꦿꦫꦱ꧀ꦱꦶꦁꦤꦼꦩ꧀‍‍ꦲꦶꦏ꧈ꦲꦥꦤ꧀ꦠꦼꦒꦼꦱ꧀ꦱꦶꦥꦸꦤ꧀‌ꦮꦠꦏ꧀ꦤꦼꦤ꧀ꦤꦼꦩ꧀ꦥꦔꦿꦫꦱ꧀ꦚ꧈ꦱꦧꦂ꧈ꦤꦿꦶꦩ꧈ꦱꦤ꧀ꦠꦺꦴꦱ꧈ꦢꦸꦢꦸꦒ꧈ꦠꦸꦮꦶꦤ꧀‍ꦢꦂꦱꦤꦭꦤ꧀ꦱꦚꦠ꧉

JGST : Kapiŋ gaŋsal punnika hiŋ médi, wětunniŋ haṅin ṣiŋ médi hika, kaŋ kapiŋ něm kaḷěsětté, hiŋ badan ṣŕiŋ juměṭut, hiŋkaŋ datan ṣinnědỿêng kapti. Paṅŕarasṣiŋ něm hika, hapan těgěsṣipun, watak něnněm paṅŕarasña, sabaṙ, nŕima, santosa, duduga, tuwin, daṙsana lan ṣañata

EBBY : Kaping gangsal punika ing médi, wetuning angin sing médi ika, kang kaping nem kaleseté, ing badan sring jumethut, ingkang datan sinedyèng kapti. Pangrarasing něm, ika, apan tegesipun, watak nenem pangrarasnya, sabar, nrima, santosa, duduga, tuwin, darsana lan sanyata.

꧃ꦠꦲꦼꦤ꧀‍꧇ꦏꦪꦸꦠꦲꦸꦤ꧀ꦲꦶꦁꦏꦁꦮꦽꦢꦶ꧈ꦪꦺꦏꦸꦏꦪꦸꦏꦁꦠꦤ꧀ꦥꦶꦤꦶꦭꦭ꧈ꦲꦸꦫꦶꦥ꧀ꦱꦶꦁꦤꦼꦩ꧀ꦥꦿꦏꦫꦤ꧀ꦤꦺ꧈ꦏꦁꦣꦶꦲꦶꦤ꧀ꦱꦏꦶꦁꦠꦸꦮꦸꦃ꧈ꦏꦥꦶꦁꦏꦭꦶꦃꦥꦤ꧀ꦱꦏꦶꦁꦧꦸꦩꦶ꧈ꦥꦶꦁꦠꦶꦒꦱꦏꦶꦁꦱꦸꦂꦪ꧈ꦥꦶꦁꦥꦠ꧀ꦱꦏꦶꦁꦲꦼꦧꦸꦤ꧀‍ꦏꦥꦶꦁꦭꦶꦩꦱꦏꦶꦁꦗꦮꦃ꧈ꦢꦺꦤ꧀ꦤꦺꦲꦶꦁꦏꦁꦏꦥꦶꦁꦤꦼꦤ꧀ꦤꦼꦩ꧀ꦱꦏꦶꦁꦁꦲꦔꦶꦤ꧀‍ꦏꦪꦸꦠꦲꦸꦤ꧀ꦲꦸꦫꦶꦥ꧀ꦚ꧉

JGST : Tahěn; kayu tahun hiŋkaŋ wṛědi, yêku kayu kaŋ tan pinilala, hurip ṣiŋ něm pŕakaranné, kang dhihin ṣakiŋ tuwuḥ, kapiŋ kaliḥ pan ṣakiŋ bumi, piŋ tiga sakiŋ suṙya, piŋ pat ṣakiŋ hěbun, kapiŋ lima sakiŋ jawaḥ, dénné hiŋkaŋ kapiŋ něnněm ṣakiŋ haṅin, kayu tahun huripña.

EBBY : Tahen; kayu taun ingkang wredi, yèku kayu kang tan pinilala, urip sing nem prakarané, kang dhihin saking tuwuh, kaping kalih pan saking bumi, ping tiga saking surya, ping pat saking ebun, kaping lima saking jawah, déné ingkang kaping nenem saking angin, kayu taun uripnya.

꧃ꦮꦽꦏ꧀ꦱ꧇ꦏꦪꦸꦠꦶꦤ꧀ꦤꦼꦒꦺꦴꦂꦏꦁꦮꦽꦢꦶ꧈ꦩꦶꦭꦢꦢꦶꦮꦠꦏ꧀ꦤꦼꦩ꧀ꦥꦸꦤ꧀ꦤꦶꦏ꧈ꦤꦼꦁꦒꦶꦃꦏꦁꦢꦢꦶꦥꦿꦤ꧀ꦠꦶꦤ꧀ꦤꦺ꧈ꦮꦺꦴꦁꦮꦤꦤ꧀ꦤꦼꦒꦺꦴꦂꦏꦪꦸ꧈ꦲꦥꦤ꧀ꦮꦺꦴꦤ꧀ꦠꦼꦤ꧀ꦤꦼꦤ꧀ꦤꦼꦩ꧀ꦥꦿꦏꦮꦶꦱ꧀‍ꦏꦁꦣꦶꦲꦶꦤ꧀ꦲꦢꦸꦸꦢꦸꦥ꧈ꦏꦥꦶꦁꦏꦭꦶꦃꦲꦶꦥꦸꦤ꧀‍꧈ꦱꦱꦗꦶꦱꦱꦗꦺꦤ꧀ꦤꦶꦫ꧈ꦏꦥꦶꦁꦠꦶꦒꦱꦏꦶꦁꦱꦫꦤꦥꦶꦫꦤ꧀ꦠꦶ꧈ꦏꦥꦶꦁꦥꦠ꧀ꦱꦏꦶꦁꦒꦩꦤ꧀꧈

JGST : Wṛěkṣa: kayu tinněgoṙ kaŋ wṛědi, mila dadi watak něm punnika, něŋgiḥ kaŋ dadi pŕantinné, woŋ wananněgor kayu, hapan wontěn něnněm pŕakawis, kaŋ dhihin hadudupa, kapiŋ kaliḥhipun, sasaji sasajennira, kapiŋ tiga sakiŋ sarana piranti, kapiŋ pat sakiŋ gaman

EBBY : Wreksa: kayu tinegor kang wredi, mila dadi watak nem punika, nenggih kang dadi prantiné, wong wana něgor kayu, apan wonten nenem prakawis, kang dhihin adudupa, kaping kalihipun, sasaji sasajenira, kaping tiga saking sarana piranti, kaping pat ṣaking gaman.

꧃ꦏꦥꦶꦁꦒꦁꦱꦭ꧀ꦥꦔꦫꦃꦲꦶꦫꦺꦏꦶ꧈ꦏꦥꦶꦁꦤꦼꦤ꧀ꦤꦼꦩ꧀ꦥꦤ꧀ꦱꦏꦶꦁꦢꦲꦤ꧉ꦩꦁꦏꦾꦥꦿꦧꦠꦁꦠꦼꦒꦼꦱ꧀ꦱꦺ꧈ꦪꦲꦶꦏꦸꦏꦪꦸꦫꦸꦧꦸꦃ꧈ꦩꦭꦁꦲꦤꦺꦁꦩꦢꦾꦤ꧀ꦤꦶꦁꦩꦂꦒꦶ꧈ꦮꦠꦏ꧀ꦤꦼꦩ꧀ꦩꦂꦩꦤ꧀ꦤꦶꦫ꧈ꦲꦮꦶꦠ꧀ꦏꦪꦸꦫꦸꦧꦸꦃ꧈ꦏꦁꦠꦤ꧀ꦠꦶꦤ꧀ꦤꦼꦒꦺꦴꦂꦥꦸꦤ꧀ꦤꦶꦏ꧈ꦫꦸꦧꦸꦃꦲꦶꦫꦲꦥꦤ꧀ꦱꦏꦶꦁꦤꦼꦩꦥꦿꦏꦮꦶꦱ꧀‍ꦏꦁꦢꦢꦶꦱꦧꦧ꧀ꦧꦶꦫ꧉

JGST : Kapiŋ gaŋsal paṅaraḥhirêki, kapiŋ něnněm pan ṣakiŋ dahana. Maŋkỿa pŕabataŋ těgěsṣé, yaiku kayu rubuḥ, malaŋ hanéŋ madỿanning maṙgi, watak něm maṙmannira, hawit kayu rubuḥ, kaŋ kanti nněgoṙ punnika, rubuḥhira hapan ṣakiŋ něm pŕakawis, kaŋ dadi sababbhira

EBBY : Kaping gangsal pangarahirèki, kaping nenem pan saking dahana. Mangkya prabatang tegesé, yaiku kayu rubuh, malang anéng madyaning margi, watak nem marmanira, awit kayu rubuh, kang kanti negor punika, rubuhira apan saking nem prakawis, kang dadi sababira.

꧃ꦣꦶꦲꦶꦤ꧀ꦱꦏꦶꦁꦣꦸꦁꦏꦂꦫꦺꦏꦁꦱꦶꦠꦶ꧈ꦏꦥꦶꦁꦏꦭꦶꦃꦏꦠꦩꦤ꧀ꦲꦶꦁꦲꦩ꧈ꦠꦶꦒꦏꦧꦧ꧀ꦧꦤ꧀ꦧꦊꦣꦺꦒ꧀‍꧈ꦱꦏꦮꦤ꧀ꦱꦏꦶꦁꦭꦺꦱꦸꦱ꧀‍ꦏꦥꦶꦁꦒꦁꦱꦭ꧀ꦏꦒꦺꦴꦤ꧀ꦠꦺꦴꦂꦱꦏꦶꦁ꧈ꦧꦤ꧀ꦠꦼꦂꦫꦶꦁꦏꦤ꧀ꦤꦁꦠꦺꦴꦪ꧈ꦏꦁꦏꦥꦶꦁꦤꦼꦩ꧀ꦩꦶꦥꦸꦤ꧀‍ꦏꦠꦩꦤ꧀ꦧꦼꦤ꧀ꦠꦂꦫꦶꦁꦱꦸꦂꦪ꧉ꦒꦾꦏꦶꦭꦠ꧀ꦠꦶꦁꦏꦤ꧀ꦤꦼꦩ꧀‍ꦭꦶꦂꦫꦺꦭꦶꦭꦶꦣꦃꦲꦶꦁ꧈ꦩꦱꦏꦤ꧀ꦤꦼꦩ꧀ꦥꦸꦤ꧀ꦤꦶꦏ꧉

JGST : Dhihin ṣakiŋ dhuŋkaṛré kaŋ siti, kapiŋ kaliḥ kataman hiŋ hama, tiga kababban baḷědhég, sakawan ṣakiŋ lèsus, kapiŋ gaŋsal kagontoṛ sakiŋ, bantěṙriŋ kannaŋ toya, kaŋ kapiŋ němmipun, kataman bhěntèṙriŋ suṙya. Gỿa kilattiŋ kanněm, liṙré lilidhaḥhiŋ, masakan něm punnika.

EBBY : Dhihin saking dhungkaré kang siti, kaping kalih kataman ing hama, tiga kababan balědhég, sakawan saking lèsus, kaping gangsal kagontor saking, bantering kanang toya, kang kaping nemipun, kataman bentèring surya. Gya kilating kanem, liré lilidhahing, masakan nem punika.

꧃ꦩꦂꦩꦢꦢꦶꦮꦠꦏ꧀ꦤꦼꦩ꧀ꦮꦶꦠ꧀ꦢꦺꦤ꧀ꦤꦶꦁ꧈ꦒꦼꦧꦾꦂꦫꦶꦥꦸꦤ꧀ꦭꦶꦭꦶꦣꦃꦥꦸꦤ꧀ꦤꦶꦏ꧈ꦩꦸꦁꦒꦺꦁꦲꦫꦃꦤꦼꦩ꧀ꦢꦸꦤꦸꦁꦔꦺ꧈ꦮꦺꦠꦤ꧀ꦏꦸꦭꦺꦴꦤ꧀ꦩꦾꦁꦏꦶꦢꦸꦭ꧀‍꧈ꦲꦼꦭꦺꦴꦂꦠꦼꦔꦃꦲꦸꦠꦮꦶꦔꦶꦁꦒꦶꦭ꧀꧈ꦭꦺꦴꦤ꧇ꦥꦼꦣꦼꦱ꧀ꦮꦂꦢꦶꦚ꧈ꦩ꧀ꦭꦥꦸꦤ꧀ꦤꦶꦏꦸꦏꦼꦕꦸꦠ꧀‍ꦠꦶꦏ꧀ꦠ꧇ꦥꦲꦶꦠ꧀ꦮꦂꦢꦶꦤ꧀ꦤꦶꦫ꧈ꦏꦾꦱ꧇ꦒꦸꦫꦶꦃꦢꦺꦤ꧀ꦤꦺꦢꦸꦫꦲꦶꦏꦸꦲꦱꦶꦤ꧀‍꧈ꦱꦂꦏꦫꦩꦤ꧀ꦤꦶꦱ꧀ꦭꦶꦂꦚ꧉

JGST : Maṙma dadi watak něm wit dénniŋ, gěbỿaṙripun lilidhaḥ punnika, muŋgèŋ haraḥ něm dunuŋṅé, wétan kulon mỿaŋ kidul, hělor těṅaḥ hutawi ṅiŋgil, lona: pědhěs waṙdiña, mlapunniku kěcut, tikta : pahit waṙdinnira, kỿasa: gurih dénné dura hiku asin, saṙkara mannis liṙña

EBBY : Marma dadi watak nem wit déning, gebyaripun lilidhah punika, munggèng arah nem dunungé, wétan kulon myang kidul, elor tengah utawi nginggil, lona: pedhes wardinya, mlapuniku kěcut, tikta : pahit wardinira, kyasa: gurih déné dura iku asin, sarkara manis lirnya.

http://ꦱꦼꦒꦗꦧꦸꦁ.id