꧅꧓꧅

ꦮꦠꦏ꧀꧇꧓꧇

Watak 3

꧄ꦧꦲ꧀ꦤꦶ꧇ꦒꦼꦤ꧀ꦤꦶꦥꦚ꧀ꦣꦺꦲꦶꦏ꧈ꦩꦸꦭꦤ꧀ꦤꦺꦢꦢꦾꦮꦠꦏ꧀ꦠꦿꦶ꧈ꦲꦱꦭ꧀ꦱꦶꦁꦠꦼꦭꦸꦁꦥꦿꦏꦫ꧈ꦱꦏꦶꦁꦥꦔꦿꦺꦏꦏꦁꦣꦶꦲꦶꦤ꧀‍ꦪꦲꦶꦏꦸꦒꦼꦤ꧀ꦤꦶꦱꦏꦶꦁ꧈ꦛꦶꦛꦶꦏ꧀ꦏꦤ꧀ꦲꦒꦂꦫꦤ꧀ꦤꦶꦥꦸꦤ‍꧀‍‍ꦥꦶꦟ꧀ꦣꦺꦴꦱꦏꦶꦁꦱꦫꦤ꧈ꦪꦺꦏꦸꦲꦉꦁꦢꦺꦏꦥꦶꦁꦠꦿꦶ꧈ꦥꦔꦺꦴꦭꦃꦲꦶꦁꦲꦔꦶꦤ꧀ꦱꦏꦲꦶꦁꦔꦸꦧꦸꦧ꧀ꦧꦤ꧀꧈꧄

JGST : Bahni ; gěnni pañḍé hika, mulanné dadỿa watak tŕi, hasal ṣiŋ těluŋ pŕakara, sakiŋ paṅŕèka kaŋ dhihin, ya hiku gěnni sakiŋ, ṭiṭikkan hagaṙrannipun, piñḍo sakiŋ sarana, yêku haṛěŋ dé kapiŋ tŕi, paṅolaḥhiŋ haṅin ṣaka hiŋ ṅgububbhan.

EBBY : Bahni ; geni pandhé iku, mulané dadya watak tri, asal sing teluŋ prakara, sakiŋ pangrèka kang dhihin, ya iku geni saking, thithikan agaranipun, pindho saking sarana, yèku areng dé kaping tri, pangolahing angin saka ngububan.

꧄ꦢꦶꦲꦤ꧀‍‍ꦥꦮꦏꦮꦽꦢꦶꦚ꧈ꦒꦼꦤ꧀ꦤꦶꦱꦥꦸꦮꦸꦏ꧀ꦏꦶꦁꦲꦂꦢꦶ꧈ꦩꦂꦩꦢꦢꦶꦮꦠꦏ꧀ꦠꦶꦒ꧈ꦮꦶꦠ꧀ꦱꦏꦠꦼꦭꦸꦁꦥꦿꦏꦮꦶꦱ꧀‍ꦒꦼꦤ꧀ꦤꦶꦱꦱꦭꦠ꧀ꦱꦏꦶꦁ꧈ꦮꦭꦶꦫꦁꦥꦶꦁꦏꦭꦶꦃꦲꦶꦥꦸꦤ꧀‍‍ꦱꦏꦒꦼꦤ꧀ꦤꦶꦢꦸꦢꦹꦥ꧈ꦥꦤꦸꦮꦸꦤ꧀ꦥꦸꦢꦾꦱꦼꦩꦢꦶ꧈ꦠꦿꦶꦧꦼꦣꦶꦪꦤ꧀ꦱꦫꦤꦤ꧀ꦤꦶꦁꦏꦲꦱꦽꦥ꧀ꦥꦤ꧀꧈꧄

JGST : Dihan pawaka wṛědiña, gěnni sapuwukkiŋ haṙdi, maṙma dadi watak tiga, wit ṣaka těluŋ pŕakawis, gěnni sasalat ṣakiŋ, waliraŋ kaliḥhipun, saka gěnni dudūpa, panuwun pudỿa sěmadi, tŕi bědhiyan ṣarananniŋ ka hasṛěpan.

EBBY : Dian pawaka wredinya, geni sapuwuking ardi, marma dadi watak tiga, wit saka telung prakawis, geni sasalat saking, walirang kalihipun, saka geni dudupa, panuwun pudya semadi, tri bedhiyan sarananing kaasrepan.

꧄ꦱꦶꦏꦶꦁ꧇ꦒꦼꦤ꧀ꦤꦶꦲꦸꦥꦼꦠ꧀ꦲꦶꦏ꧈ꦩꦸꦭꦤ꧀ꦤꦺꦢꦢꦾꦮꦠꦏ꧀ꦠꦿꦶ꧈ꦮꦸꦗꦸꦢ꧀ꦢꦶꦁꦲꦸꦥꦼꦠ꧀ꦠꦿꦶꦮꦂꦤ꧈ꦩꦚ꧀ꦕꦹꦁꦱꦼꦥꦼꦠ꧀‍ꦺꦲꦴꦺꦟ꧀ꦛꦭ꧀‍ꦏ꧀ꦭꦸꦮꦶꦃ꧉ꦒꦸꦤ꧀ꦤ꧇ꦲꦒꦂꦫꦤ꧀ꦒꦼꦤ꧀ꦤꦶ꧈ꦠꦿꦶꦥꦿꦏꦫꦢꦢꦶꦤ꧀ꦤꦶꦥꦸꦤ꧀‍‍ꦱꦏꦥꦤ꧀ꦤꦱ꧀ꦱꦶꦁꦲꦱꦧ꧀꧈ꦱꦏꦱꦼꦉꦠ꧀ꦠꦶꦁꦥꦶꦫꦤ꧀ꦠꦶ꧈ꦱꦏꦏꦮꦸꦭ꧀ꦒꦤ꧀ꦤꦼꦥ꧀ꦥꦺꦲꦶꦁꦠꦼꦭꦸꦁꦮꦂꦤ꧄‎‎

JGST : Sikiŋ ; gěnni hupět hika, mulanné dadỿa watak tŕi, wujuddiŋ hupět tŕi waṙna, mañcūŋ sěpět hoṇṭèl kluwiḥ. Gunna : hagaṙran gěnni, tŕi pŕakara dadinnipun, saka pannasṣiŋ hasab, saka sěṛěttiŋ piranti, saka kawul ganněppé hing těluŋ waṙna.

EBBY : Siking ; geni upet ika, mulané dadya watak tri, wujuding upet tri warna, mancung sepet onthèl kluwih. Guna : agaran geni, tri prakara dadinipun, saka panasing asab, saka sěrěting piranti, saka kawul ganepé ing telung warna.

꧄ꦢꦲꦤꦥꦤ꧀ꦒꦼꦤ꧀ꦤꦶꦱꦭꦠ꧀‍‍ꦩꦂꦩꦤ꧀ꦠꦢꦢꦾꦮꦠꦏ꧀ꦠꦿꦶ꧈ꦮꦶꦠ꧀ꦱꦏꦶꦁꦏꦠꦿꦶꦥꦿꦏꦫ꧈ꦱꦥꦶꦱꦤ꧀ꦱꦏꦶꦁꦱꦸꦩꦸꦏ꧀ꦏꦶꦁ꧈ꦲꦮꦥꦤ꧀ꦤꦱ꧀ꦱꦶꦁꦧꦸꦩꦶ꧈ꦏꦢ꧀ꦮꦶꦱꦏꦶꦁꦱꦸꦩꦸꦏ꧀ꦏꦶꦥꦸꦤ꧀꧈ꦲꦶꦁꦮꦠꦸꦒꦼꦤ꧀ꦤꦶꦲꦶꦏ꧈ꦏꦥꦶꦁꦠꦿꦶꦱꦏꦶꦁꦱꦸꦩꦸꦏ꧀ꦏꦶꦁ꧈ꦏꦁꦮꦭꦶꦫꦁꦒꦛꦸꦏ꧀ꦢꦢꦾꦒꦼꦤ꧀ꦤꦶꦱꦭꦢ꧀꧈꧄

JGST : Dahana pan gěnni salat, maṙmanta dadỿa watak tŕi, wit ṣakiŋ katŕi pŕakara, sapisan ṣakiŋ sumukkiŋ, hawa pannasṣiŋ bumi, ka dwi sakiŋ sumukkipun, hiŋ watu gěnni hika, kapiŋ tŕi sakiŋ sumukkiŋ ,kaŋ waliraŋ gaṭuk dadỿa gěnni salad.

EBBY : Dahana pan geni salat, marmanta dadya watak tri, wit saking katri prakara, sapisan saking sumuking, hawa panasing bumi, ka dwi saking sumukipun, ing watu geni ika, kaping tri saking sumuking, kang walirang gathuk dadya geni salad.

꧄ꦠꦿꦶꦤ꧀ꦤꦶꦁꦫꦤ꧇ꦥꦾꦸꦥꦥꦿꦁꦔꦤ꧀‍ꦩꦶꦭꦚꦢꦢꦾꦮꦠꦏ꧀ꦠꦿꦶ꧈ꦲꦤꦤ꧀ꦤꦺꦱꦏꦠꦿꦶꦮꦂꦤ꧈ꦥꦿꦧꦮꦱꦏꦶꦁꦏꦱꦏ꧀ꦠꦶꦤ꧀‍ꦢ꧀ꦮꦶꦠꦼꦩ꧀ꦥꦸꦃꦲꦶꦁꦱꦫꦢꦶ꧈ꦠꦿꦶꦥꦩ꧀ꦧꦼꦱ꧀ꦩꦶꦤ꧀ꦤꦶꦁꦱꦮꦺꦏꦸ꧉ꦲꦸꦠꦠꦼꦒꦼꦱ꧀ꦱꦺꦭꦶꦤ꧀ꦠꦃ꧈ꦩꦂꦩꦢꦸꦩꦢꦶꦮꦠꦏ꧀ꦠꦿꦶ꧈ꦲꦸꦤ꧀ꦠꦸꦤ꧀ꦤꦶꦫꦔꦶꦱꦺꦴꦂꦭꦺꦴꦫꦺꦴꦣꦸꦮꦸꦂꦗꦸꦒ꧉꧄

JGST : Tŕinniŋ rana : pỿu papṙaŋṅan, milaña dadỿa watak tŕi, hananné saka tŕi waṙna, pŕabawa sakiŋ kasaktin, dwi těmpuḥhiŋ saradi, tŕi pambhěsminniŋ sawêku,.huta těgěsṣé lintaḥ maṙma dumadi watak tŕi, huntunnira ṅisoṙ loro dhuwuṙ juga,

EBBY : Trining rana : pyu paprangan, milanya dadya watak tri, anané saka tri warna, prabawa saking kasaktin, dwi tempuhing saradi, tri pambesmining sawèku, huta tegesé lintah, marma dumadi watak tri, untunira ngisor loro dhuwur juga.

꧄ꦏꦢꦶꦧꦾꦤ꧀ꦤꦺꦠꦿꦶꦥꦿꦏꦫ꧈ꦤꦩ꧀ꦥꦼꦭ꧀‍ꦩꦺꦴꦭꦃꦒꦺꦴꦤ꧀ꦢꦧꦁꦏꦶꦠ꧀꧈ꦲꦸꦗꦼꦭ꧀꧇ꦮꦼꦭꦸꦠ꧀ꦠꦼꦒꦼꦱ꧀ꦱꦶꦫ꧈ꦩꦸꦭꦤ꧀ꦤꦺꦢꦢꦶꦮꦠꦏ꧀ꦠꦿꦶ꧈ꦢꦺꦤ꧀ꦤꦺꦠ꧇ꦲꦤ꧀ꦢꦂꦧꦺꦤ꧀ꦤꦶ꧈ꦢꦪꦠꦿꦶꦥꦿꦏꦫꦲꦶꦏꦸ꧈ꦥꦔ꧀ꦭꦸꦚꦺꦴꦤ꧀‍ꦩꦸꦊꦠ꧀‍ꦫꦺꦴꦱ꧉ꦲꦤ꧀ꦤꦲꦸꦠꦶꦲꦶꦏꦸꦕꦕꦶꦁ꧈ꦩꦂꦩꦢꦢꦾꦮꦠꦏ꧀ꦠꦼꦭꦸꦢꦺꦤ꧀ꦤꦺꦢꦂꦧꦾ꧉꧄

JGST : Kadibỿannè tŕi pŕakara, nampěl molaḥ gonda baŋkit, hujěl : wělut těgěsṣira, mulanné dadi watak tŕi, dénné ta : handaṙbènni, daya tŕi pŕakara hiku, paṅluñon muḷět rosa. Hannahuti hiku caciŋ, maṙma dadỿa watak tělu dénné daṙbỿa.

EBBY : Kadibyané tri prakara, nampel molah gonda bangkit, hujel : welut tegesira, mulané dadi watak tri, déné ta : andarbèni, daya tri prakara iku, panglunyon mulet rosa. Anauti iku cacing, marma dadya watak telu déné darbya.

꧄ꦏꦧꦁꦏꦶꦠꦤ꧀ꦠꦿꦶꦥꦿꦏꦫ꧈ꦔ꧀ꦠꦼꦏꦼꦂꦩꦸꦭꦸꦂꦩꦁꦏꦽꦠ꧀꧈ꦩꦁꦏꦶꦤ꧀‍ꦫꦶꦏꦁꦗꦛꦮꦽꦢꦶꦤ꧀ꦤꦶꦫ꧈ꦒꦼꦤ꧀ꦤꦶꦮꦶꦤ꧀ꦤꦣꦃꦲꦤ꧀ꦪꦼꦏ꧀ꦠꦶ꧈ꦢꦺꦢꦢꦶꦤ꧀ꦤꦺꦮꦠꦏ꧀ꦠꦿꦶ꧈ꦒꦼꦤ꧀ꦤꦶꦲꦉꦁꦏꦁꦏꦫꦸꦲꦸꦤ꧀‍ꦏꦢ꧀ꦮꦶꦒꦼꦤ꧀ꦤꦶꦮꦶꦤ꧀ꦤꦣꦃ꧈ꦠꦺꦭꦸꦏꦁꦥꦺꦢꦃꦏꦶꦤ꧀ꦤꦂꦢꦶ꧈ꦲꦩ꧀ꦧꦧꦏꦂꦩꦁꦒꦁꦱꦥꦤꦸꦁꦒꦭ꧀ꦭꦤ꧀ꦚ꧉꧄

JGST : Kabaŋkitan tŕi pŕakara, ṅtěkěṙ muluṙ maŋkŕět, maŋkin rikaŋ jaṭa wṛědinnira, gěnni winnadhaḥhan yěkti, dé dadinné watak tŕi, gěnni haṛěŋ kaŋ karuhun, ka dwi gěnni winnadhaḥ, tělu kaŋ pédaḥ kinnaṙdi, hambhabakaṙ maŋgaŋ sapanuŋgallanña.

EBBY : Kabangkitan tri prakara, ngteker mulur mangkret, mangkin rikang jatha wredinira, geni winadahan yekti, dé dadiné watak kri, geni areng kang karuhun, ka dwi geni winadhah, telu kang pédah kinardi, ambabakar manggang sapanunggalannya.

꧄ꦮꦺꦢ꧀ꦣ꧇ꦒꦼꦤ꧀ꦤꦶꦥꦮꦺꦴꦤ꧀ꦲꦶꦏ꧈ꦢꦺꦤ꧀ꦤꦺꦲꦤꦮꦂꦤꦏꦠꦿꦶ꧈ꦏꦁꦒꦼꦤ꧀ꦤꦶꦏꦪꦸꦏꦭꦮꦤ꧀‍‍ꦕꦼꦁꦏꦺꦴꦫꦺꦴꦁꦔꦤ꧀ꦥꦮꦺꦴꦤ꧀ꦒꦼꦤ꧀ꦤꦶ꧈ꦏꦠꦿꦶꦭꦮꦺꦪꦤ꧀ꦒꦼꦤ꧀ꦤꦶ꧉ꦤꦭꦲꦒ꧀ꦤꦶꦠꦼꦒꦼꦱ꧀ꦱꦶꦥꦸꦤ‍꧀‍ꦒꦼꦤ꧀ꦤꦶꦥꦤ꧀ꦤꦱ꧀ꦱꦶꦁꦩꦤꦃ꧈ꦩꦸꦭꦢꦸꦩꦢꦾꦮꦠꦏ꧀ꦠꦿꦶ꧈ꦏꦢꦢꦺꦪꦤ꧀ꦤꦶꦫꦱꦏꦠꦿꦶꦥꦿꦏꦫ꧉꧄

JGST : Wédḍa ; gěnni pawon hika, dénné hana waṙna katŕi, kaŋ gěnni kayu kalawan, cěŋkoroŋṇan pawon gěnni, katŕi lawéyan gěnni. Nala hagni těgěsṣipun, gěnni pannasṣiŋ manaḥ, mula dumadỿa watak tŕi, kadadéyannira saka tŕi pŕakara.

EBBY : Wèdha ; geni pawon ika, déné ana warna katri, kang geni kayu kalawan, cengkorongan pawon geni, katri lawéyan geni. Nala agni tegesipun, geni panasing manah, mula dumadya watak tri kadadéyannira saka tri prakara.

꧄ꦣꦶꦲꦶꦤ꧀ꦱꦏꦥꦔꦧꦂꦫꦤ꧀‍ꦢ꧀ꦮꦶꦥꦔꦺꦴꦧꦺꦴꦁꦱꦏꦶꦁꦱꦼꦔꦶꦠ꧀‍ꦠꦿꦶꦱꦏꦶꦁꦲꦔꦸꦩ꧀ꦧꦂꦲꦮ꧉ꦲꦸꦠꦮꦏꦫꦶꦏꦁꦮꦽꦢꦶ꧈ꦒꦼꦤ꧀ꦤꦶꦩꦁꦒꦁꦱꦸꦩꦂꦩꦶ꧈ꦢꦹꦩꦢꦾꦮꦠꦏ꧀ꦠꦿꦶꦲꦶꦏꦸ꧈ꦒꦼꦤ꧀ꦤꦶꦏꦪꦸꦏꦭꦮꦤ꧀‍‍ꦲꦉꦁꦱꦸꦗꦺꦤ꧀ꦗꦁꦏꦼꦥ꧀ꦏꦠꦿꦶ꧉ꦏꦪꦭꦺꦤ꧀ꦤ꧇ꦒꦼꦤ꧀ꦤꦶꦧ꧀ꦭꦸꦧꦸꦏ꧀ꦏꦤ꧀ꦗꦂꦮꦚ꧉꧄

JGST : Dhihin ṣaka paṇabaṙran, dwi paṇoboŋ sakiŋ sěṇit, tŕi sakiŋ haṇumbhaṙ hawa. Hutawa kari kaŋ wṛědi, gěnni maŋgaŋ sumaṙmi, dūmadỿa watak tŕi hiku, gěnni kayu kalawan, haṛěŋ sujén jaŋkěp katŕi. Kaya lénna : gěnni blubukkan jaṙwaña.

EBBY : Dhihin saka pangabaran, dwi pangobong saking sengit, tri saking angumbar hawa. Utawa kari kang wredi, geni manggang sumarmi, dumadya watak tri iku, geni kayu kalawan, areng sujén jangkep katri. Kaya léna : geni blubukan jawanya.

꧄ꦩꦸꦭꦢꦢꦶꦮꦠꦏ꧀ꦠꦶꦒ꧈ꦢꦺꦒꦼꦤ꧀ꦤꦶꦧ꧀ꦭꦸꦧꦸꦏ꧀ꦏꦤ꧀ꦲꦱꦿꦶ꧈ꦲꦶꦔꦁꦒꦺꦴꦠꦼꦭꦸꦁꦥꦿꦏꦫ꧈ꦔꦼꦥꦺꦱ꧀‍‍ꦧꦼꦤ꧀ꦤꦼꦩ꧀‍‍ꦲꦩ꧀ꦧꦏꦂꦫꦶ꧉ꦥꦸꦪꦶꦏꦠꦺꦏꦁꦮꦽꦢꦶ꧈ꦲꦥꦤ꧀ꦒꦼꦤ꧀ꦤꦶꦢꦶꦪꦤ꧀ꦲꦶꦏꦸ꧈ꦩꦸꦭꦠꦼꦭꦸꦮꦠꦏ꧀ꦚ꧈ꦢꦺꦮꦸꦗꦸꦢ꧀ꦢꦶꦁꦱꦺꦴꦫꦺꦴꦠ꧀ꦏꦠꦿꦶ꧈ꦧꦶꦫꦸꦏꦸꦤ꧀ꦤꦶꦁꦲꦧꦁꦗꦁꦏꦼꦥ꧀ꦥꦺꦠꦶꦠꦶꦒ꧉꧄

JGST : Mula dadi watak tiga, dé gěnni blubukkan hasŕi, hiṅaŋgo těluŋ pŕakara, ṅěpés běnněm hambhakaṙri. Puyika tékaŋ wṛědi, hapan gěnni diyan hiku, mula tělu watakña, dé wujuddiŋ sorot katŕi, biru kunniŋ habaŋ jaŋkěppé titiga.

EBBY : Mula dadi watak tiga, dé geni blubukan asri, ingango telu prakara, ngepés benem ambakari. Puyika tékang wredi, apan geni diyan iku, mula telu wataknya, dè wujuding sorot katri, biru kuning abang jangkepé titiga.

꧄ꦠꦶꦒ꧇ꦠꦼꦠꦼꦭꦸꦠꦼꦒꦼꦱ꧀ꦚ꧈ꦩꦂꦩꦢꦢꦾꦮꦠꦏ꧀ꦏꦠꦿꦶ꧈ꦢꦺꦤ꧀ꦤꦺꦱꦩ꧀ꦥꦸꦤ꧀ꦠꦼꦩ꧀ꦧꦸꦁꦗꦂꦮ꧈ꦠꦶꦒꦪꦠꦼꦭꦸꦪꦏꦠꦿꦶ꧉ꦲꦸꦤ꧀ꦤꦶꦔꦏꦁꦮꦶꦤ꧀ꦤꦂꦤꦶ꧈ꦒꦼꦤ꧀ꦤꦶꦲꦺꦴꦧꦺꦴꦂꦠꦼꦒꦼꦱ꧀ꦱꦶꦥꦸꦤ꧀‍ꦩꦂꦩꦮꦠꦏ꧀ꦚꦠꦶꦒ꧈ꦢꦺꦥꦺꦢꦃꦠꦶꦒꦁꦥꦿꦏꦮꦶꦱ꧀‍‍ꦲꦶꦁꦏꦁꦣꦶꦲꦶꦤ꧀ꦢꦢꦾꦥꦣꦁꦔꦶꦁꦥꦤ꧀ꦤꦶꦔꦭ꧀꧈꧄

JGST : Tiga ; tětělu tegěsña, maṙma dadỿa watak katŕi, dénné sampun těmbhūŋ jaṙwa, tiga ya tělu ya katŕi. Hunniṅa kaŋ winnaṙni, gěnni hoboṙ těgěsṣipun, maṙma watakña tiga, dé polaḥ tigaŋ pŕakawis, hiŋkaŋ dhihin dadỿa padhaŋṅiŋ panniṅal.

EBBY : Tiga ; tetelu tegesnya, marma dadya watak katri, déné sampun tembung jarwa, tiga ya telu ya katri. Uninga kang winarni, geni obor tegesipun, marma wataknya tiga, dé polah tigang prakawis, ingkang dhihin dadya padhanging paningal.

http://ꦱꦼꦒꦗꦧꦸꦁ.id

weddhasangkala