꧅꧙꧅

ꦮꦠꦏ꧀꧇꧙꧇

Watak 9

꧄ꦤꦲꦼꦤ꧀ꦮꦠꦏ꧀ꦱꦔꦏꦁꦮꦶꦤ꧀ꦤꦂꦤꦶ꧈ꦠꦿꦸꦰ꧀ꦛꦮꦽꦢꦶꦲꦼꦭꦺꦁꦔꦶꦁꦱꦚ꧀ꦗꦠ꧉ꦠꦿꦸꦰ꧀ꦛꦶ꧇ꦲꦼꦭꦺꦁꦠꦸꦠꦸꦥ꧀ꦥꦤ꧀ꦤꦺ꧉ꦩꦸꦏ꧇ꦭꦮꦁꦔꦶꦁꦏꦭ꧀ꦩꦹ꧉ꦢꦺꦒꦥꦸꦫ꧇ꦭꦮꦁꦔꦶꦁꦲꦗꦶ꧉ꦮꦶꦮꦫ꧇ꦱꦏꦺꦛꦺꦁꦚ꧉ꦢ꧀ꦮꦫ꧇ꦭꦮꦁꦔꦶꦥꦸꦤ꧀ꦲꦺꦴꦩꦃꦠꦤ꧀ꦤꦥꦶꦥꦺꦴꦩꦃꦲꦤ꧀‍‍ꦭꦮꦁꦩꦲꦸꦕꦶꦤ꧀ꦤꦼꦁꦏꦭ꧀ꦥꦶꦤ꧀ꦤꦫꦱꦩꦶ꧈ꦲꦥꦤ꧀ꦱꦔꦁꦧꦒꦶꦪꦤ꧀꧈꧄

JGST : Nahěn watak ṣaṅa kaŋ winnaṙni, tŕuṣṭa wṛědi hělèŋṅiŋ sañjata. Tŕuṣṭi : hělèŋ tutuppanné. Muka : lawaŋṅiŋ kalbū. Dé gapura : lawaŋṅiŋ haji. Wiwara : sakèṭèŋña. Dwara : lawaŋṅipun homaḥ tannapi pomaḥhan, lawaŋ mahu cinněŋkal pinnara sami, hapan ṣaṅaŋ bagiyan.

EBBY : Nahen watak sanga kang winarni, trustha wredi elènging sanjata. Trusthi : elèng tutupané. Muka : lawanging kalbu. Dé gapura : lawanging aji. Wiwara : sakèthèngnya. Dwara : lawangipun omah tanapi pomahan, lawang mau ciněngkal pinara sami, apan sangang bagiyan.

꧄ꦢꦺꦤ꧀ꦤꦺꦤꦤ꧀ꦢ꧇ꦭꦺꦁꦔꦶꦁꦏꦺꦴꦺꦣꦴꦏ꧀ꦪꦼꦏ꧀ꦠꦶ꧉ꦮꦶꦭꦱꦶꦠꦮꦽꦢꦶꦭꦺꦁꦔꦶꦁꦏꦺꦴꦩ꧀ꦧꦁ꧉ꦒꦸꦮ꧇ꦲꦼꦭꦺꦁꦥꦠꦥꦤ꧀ꦤꦺ꧉ꦫꦒꦺꦴꦮꦽꦢꦶꦭꦺꦁꦱꦩꦸꦤ꧀꧈ꦭꦸꦢꦿ꧇ꦲꦭꦸꦂꦫꦤ꧀ꦤꦶꦁꦢꦺꦮꦢꦶ꧉ꦒꦠꦿ꧇ꦭꦺꦁꦒꦁꦱꦶꦂꦲꦶꦏ꧉ꦒꦺꦴꦤ꧀ꦢ꧇ꦭꦺꦁꦔꦶꦁꦲꦶꦫꦹꦁ꧉ꦭꦺꦁ꧇ꦲꦼꦭꦺꦁꦔꦶꦁꦱꦼꦩꦸꦠ꧀ꦲꦶꦏ꧉ꦫꦺꦴꦁ꧇ꦫꦺꦴꦁꦲꦸꦭ꧉ꦱꦺꦴꦁ꧇ꦱꦺꦴꦁꦔꦶꦁꦭꦟ꧀ꦣꦏ꧀ꦏꦁꦮꦽꦢꦶ꧉ꦠꦿꦸꦱ꧀ꦱꦱꦤ꧀꧇ꦭꦮꦁꦧꦸꦠꦸꦭ꧀ꦭꦤ꧀꧈꧄

JGST : Dénné nanda : lèŋṅiŋ kodhok yěkti. Wilasita wṛědi lèŋṅiŋ kombhaŋ. Guwa : hělèŋ patapanné. Rago wṛědi lèŋ samun. Ludŕa : haluṙranniŋ déwadi. Gatŕa : lèŋ gaŋsiṙ hika. Gonda : lèŋṅiŋ hirūŋ. Lèŋ : hělèŋṅiŋ sěmut hika. Roŋ : roŋ hula. Soŋ : soŋṅiŋ laṇḍak kaŋ wṛědi. Tŕussan : lawaŋ butullan.

EBBY : Déné nanda : lènging kodhok yekti. Wilasita lènging kombang. Guwa : elèng patapané. Rago wredi lèng samun. Ludra : aluraning séwadi. Gatra : lèng gangsir ika. Gonda : lènging irung. Lèng : elènging semut ika. Rong : rong ula. Song : songing landhak kang wredi. Trusan : lawang butulan.

꧄ꦪꦺꦏꦸꦮ꧀ꦢꦁꦏ꧇ꦮꦶꦭꦁꦔꦤ꧀ꦏꦁꦮꦽꦢꦶ꧈ꦠꦼꦭꦱ꧀ꦱꦤ꧀ꦤꦺꦠꦸꦩꦼꦏꦲꦶꦁꦱꦔ꧉ꦧꦧꦃꦲꦤ꧀꧇ꦭꦮꦁꦩꦭꦶꦁꦔꦺ꧉ꦲꦮꦱꦱꦔꦲꦶꦏꦸ꧈ꦧꦺꦴꦭꦺꦴꦁꦔꦤ꧀ꦤꦶꦁꦧꦢꦤ꧀ꦥꦸꦤ꧀ꦤꦶꦏꦶ꧈ꦢꦸꦩꦢꦶꦥꦶꦫꦶꦠ꧀ꦠꦤ꧀ꦚ꧈ꦮꦠꦏ꧀ꦱꦔꦩꦲꦸ꧈ꦩꦸꦲꦸꦁꦱꦏꦧꦺꦴꦧꦺꦴꦭꦺꦴꦁꦔꦤ꧀꧈ꦲꦶꦪꦢꦺꦤ꧀ꦤꦶꦁꦭꦥꦁꦔꦤ꧀ꦤꦶꦁꦧꦢꦤ꧀ꦲꦶꦏꦶ꧈ꦠꦼꦠꦼꦥ꧀ꦲꦤꦱꦱꦔ꧉꧄

JGST : Yêku wdaŋka : wilaŋṅan kaŋ wṛědi, tělasṣanné tuměk hiŋ saṅa. Babaḥhan : lawaŋ maliŋṅé. Hawa sasaṅa hiku, boloŋṅanniŋ badan punniki, dumadi pirittanña, watak ṣaṅa mahu, muhuŋ saka boboloŋṅan, hiya dénniŋ lapaŋṅanniŋ badan hiki, tětěp hana sasaṅa.

EBBY : Yèku wdangka : wilangan kang wredi, telasané tumek ing sanga. Babahan : lawang malingé. Hawa sasanga iku, bolonganing badan puniki, dumadi piritannya, watak sanga mau, muhung saka bolongan, iya děning lapanganing badan iki, tetep ana sasanga.

꧄ꦲꦶꦫꦸꦁꦱꦩꦶꦭꦺꦁꦠꦸꦏꦸꦥ꧀ꦥꦤ꧀‍‍ꦧꦼꦣꦶꦭ꧀‍ꦏꦁꦩꦫꦶꦥꦠ꧀ꦥꦥꦣꦤ꧀ꦤꦺꦩꦸꦏ꧈ꦢꦺꦤ꧀ꦤꦺꦕꦁꦏꦼꦩ꧀ꦔꦶꦧꦫꦠ꧀ꦠꦺ꧈ꦭꦮꦁꦔꦶꦫꦱꦁꦫꦠꦸ꧈ꦲꦶꦁꦠꦭꦶꦁꦔꦤ꧀ꦲꦶꦏꦸꦲꦸꦥꦩꦶ꧈ꦭꦮꦁꦱꦏꦺꦛꦺꦁꦏꦸꦛ꧈ꦥꦭꦤ꧀ꦤꦁꦔꦤ꧀ꦲꦶꦏꦸ꧈ꦔꦶꦧꦫꦠ꧀ꦭꦮꦁꦔꦶꦁꦮꦶꦱ꧀ꦩ꧈ꦒꦸꦫꦸꦁꦲꦶꦏꦸꦔꦶꦧꦫꦠ꧀ꦭꦮꦁꦒꦸꦮꦺꦏꦶ꧈ꦲꦶꦁꦗꦸꦧꦸꦂꦭꦮꦁꦱꦸꦤ꧀ꦚ꧉꧄

JGST : Hiruŋ sami lèŋ tukuppan, bědhil kaŋ maripat papadhanné muka, dénné caŋkěm ṅibaratté, lawaŋṅira saŋ ratu, hing taliŋṅan hiku hupami, lawaŋ sakèṭèŋ kuṭa, palanaŋṅan hiku, ṅibarat lawaŋṅiŋ wisma, guruŋ hiku ṅibarat lawaŋ guwêki, hiŋ jubuṙ lawaŋ sunnya.

EBBY : Irung sami lèng tukupan, bedhil kang maripat papadhané muka, déné cangkem ngibaraté, lawangira sang ratu, ing talingan iku upami, lawang sakèthèng kutha, palanangan iku, ngibarat lawanging wisma, gurung iku ngibarat lawang guwèki, ing jubur lawang sunnya.

꧄ꦢꦺꦱꦢꦪꦫꦺꦴꦁꦔꦶꦁꦏꦺꦮꦤ꧀ꦱꦩꦶ꧈ꦩꦶꦫꦶꦠ꧀ꦥꦔꦼꦫꦺꦴꦁꦔꦺꦱꦧꦼꦤ꧀ꦩꦱ꧈ꦏꦱꦔꦗꦼꦤ꧀ꦤꦼꦏ꧀ꦤꦺꦁꦫꦺꦴꦁꦔꦺ꧈ꦮꦶꦭꦁꦔꦤ꧀‍ꦮ꧀ꦢꦁꦏꦲꦶꦏꦸ꧈ꦲꦩꦸꦁꦱꦔꦱꦢꦱꦤ꧀ꦤꦺꦏꦶ꧈ꦲꦶꦁꦱꦒꦺꦴꦭꦺꦴꦁꦔꦤ꧀ꦲꦼꦢꦱ꧀‍ꦮꦸꦗꦸꦢ꧀ꦧꦸꦤ꧀ꦢꦼꦂꦲꦶꦏꦸ꧈ꦩꦸꦁꦒꦃꦧꦧꦃꦲꦤ꧀ꦗꦶꦤ꧀ꦤꦂꦮꦤ꧀‍ꦭꦺꦁꦢꦸꦂꦗꦤꦏꦉꦥ꧀ꦥꦺꦭꦺꦁꦩꦤꦸꦁꦱꦺꦏꦶ꧈ꦠꦼꦩ꧀ꦧꦹꦱ꧀ꦱꦤ꧀ꦲꦮꦱꦔ꧉꧄

JGST : Dé sadaya roŋṅiŋ kéwan ṣami, mirit paṅěroŋṅé saběn masa, kasaṅa jěnněknêŋ roŋṅé, wilaŋṅan wdaŋka hiku, hamuŋ saṅa sadasannêki, hiŋ sagoloŋṅan ědas, wujud bunděṙ hiku, muŋgaḥ babaḥhan jinaṙwan, lèŋ duṙjana kaṛěppé lèŋ manusêki, těmbhūsṣan hawa saṅa.

EBBY : Dé sadaya ronging kéwan sami, mirit pangerongé saben masa, kasanga jeneknèng rongé, wilangan wdangka iku, amung sanga sadasanèki, ing sagolongan edas,wujud bunder iku, munggah babahan jinarwan, lèng durjana karepé lèng manusèki, tembusan hawa sanga.

 

 http://ꦱꦼꦒꦗꦧꦸꦁ.id

weddhasangkala